Ош шаарында соода түйүнү өрттөнүп, бир таңгак акча күйүп кеткени тууралуу маалымат социалдык тармактарда тарады.
Өзгөчө кырдаалдар министрлигинин маалыматы боюнча, акча күйгөндүгү тууралуу так маалымат жок.
Өрт саат 06:52де толук өчүрүлгөн.
Курманжан Датка көчөсүнүн №652 дарегинде жайгашкан дүкөндөн өрт чыккандыгы тууралуу маалымат түшкөн. Өрттү өчүрүүгө жалпы 2 бөлүм тартылган. Натыйжада жыгач менен жабылган 200 чарчы метр болгон дүкөн толугу менен күйгөн.
Учурда өрттүн келип чыгуу себеби такталууда.