Ич күйөт от жалындап арманыма
көп жылды бошко жашап алганыма,
баркына көп нерсенин жетпей жүрүп
тиктесем, өмүрүм аз калганда.

***
Түйүлөт муштум таштай байкабастан,
сээлдейт дүйнө толкуп чайпалбастан.
Ич күйөт көп адамдан кордук тартып,
көп сөздү калганыма айталбастан.

***
Жашоону туюп четтен көрүүчүдөй,
мөлтүлдөйм кызыгына эрүүчүдөй.
Кыжынып эртең деймин, эртең деймин,
эртеңдер чексиз келе берүүчүдөй…

@kyrgyz_kep