Айына миллион табасыңбы, же 10 миң табасыңбы,
4-5 баланы төрөгөн стажы чоң же кечээ босогону атаган жаңы келинсиңби —
кайын-журтка келгенде келин келиндей ийкемдүү, кичи пейил бойдон калса;
күйөө-бала күйөө-баладай ийилип элпек болсо жана
туугандар арасында ар бири өзүнүн ордун билип, башкаларга сый мамиле кылып турса эле - баары жакшы болот.
Артык дөөлөт мас кылат, тумшугу таштай катаарда - тууган менен кас кылат деп элибизде илгертен айтылып келген. Баам салалык, адамдык касиетибизди жоготпойлу жана ынтымактуу бололу.
Туугандын өзү таарынса да, боору таарынбайт дейт.
Ынтымак бар жерде ырыскы мол болоорун унутпай жүрөлү.
Келиндер барган жерибизге акжолтой келиндерден бололу урпагын улаган, үзүлгөндү улаган, чачылганды жыйнаган, сөз ташыбай, төш ташыгандардан бололу.
Эртерээк барган жерибизге кумга сиңген суудай сиңип, өзүбүз менен кошо ырыскы, берекени кошо ала баралы.
Көп нерсе ар бирибиздин колубузда!✨