Мындан 10 жыл мурун Фейсбуктан кайрымдуулук фондто иштеген кыздын туулган күнүндө өзүнүн Сбербанк картасын жазып койгонун көрүп, аябай ага суктангам.
Түшкөн каражатты паллиативдик жардамга муктаж бөбөктөргө ИВЛ алып берген.

Кечээ ошону эстеп, телеграмдагы коммерциялык имараттарды саткан каналды жарнамалап берүүнү өтүнгөм.

Балык эле бере бербей, кайырмак берелик деген максатта 2 каналды өркүндөтүү максат бар.
Аны өркүндөтүү үчүн убакыт жана каражат керек. Каражаты жарнамага жана аны тынбай толтуруп турган жүргүзгөн адамга.

Болжол менен өркүндөтүү үчүн жарым жыл кетет экен.
Ал канал тыйын таап баштаганда, тагдырдын оор сыноосуна кабылган ата-энелердин бирине өткөрүлүп берилет. Айыкпаган дартка чалдыккан бөбөктөр көп экен. Алардын өмүрүн узарткан кымбат дарыларды алууга дайым каражат керек.
Ошол каражатты таап берген булактардын бири болсун деген максатта ачылды бул канал.
Буюрса, бул ой ишке ашаарына салымын кошкон баардык жакшы адамдарга Кудайдан жүз эселеп кайтсын✨