📚 Тыа дьоно энциклопедияҕа
Бүгүн араадьыйаҕа саха сылгытыгар аналлаах Дьокуускайга буолар кэмпириэнсийэҕэ Татарстаантан эҥин учуонайдар кэлбиттэрин туһунан кэпсээтилэр, саха зоотехник дьахтар учуонайын аата үйэтитиллиэхтээҕин туһунан эттилэр.
Онтон сиэттэрэн биир кыһалҕаҕа тохтоон ааһыахпытын баҕардыбыт. Сахалыы ситим энциклопедияҕа тыа хаһаайыстыбатын эйгэтигэр үлэлээбит учуонайдар тустарынан матырыйаал быстар аҕыйах.
Ол иһин кинилэр тустарынан Биики Халандаарга эмиэ киирбэккэ хаалар.
Дьиҥэр, саха уутуйан , былыргы үгэһин, тылын-өһүн баайын тутан, баччааҥҥа диэри бур-бур буруону таһааран олорор тыатын сирин киһиэхэ табыгастаах, тыа бородууксуйатын өлгөм гынарга үлэлэспит үтүө-мааны, туруу үлэһит, сырдык өйдөөх дьоммут аҕыйаҕа суохтара буолуо эбээт!
Бу балаһыанньаны хайдах көннөрүөххэ сөбө буолла? Ырытыыга суруйуҥ.
Оттон бэйэбит өттүбүтүттэн маннык ыҥырыы сурук таһаарабыт (тарҕатар биһирэнэр):
Биики Халандаар | Сурут
Бүгүн араадьыйаҕа саха сылгытыгар аналлаах Дьокуускайга буолар кэмпириэнсийэҕэ Татарстаантан эҥин учуонайдар кэлбиттэрин туһунан кэпсээтилэр, саха зоотехник дьахтар учуонайын аата үйэтитиллиэхтээҕин туһунан эттилэр.
Онтон сиэттэрэн биир кыһалҕаҕа тохтоон ааһыахпытын баҕардыбыт. Сахалыы ситим энциклопедияҕа тыа хаһаайыстыбатын эйгэтигэр үлэлээбит учуонайдар тустарынан матырыйаал быстар аҕыйах.
Ол иһин кинилэр тустарынан Биики Халандаарга эмиэ киирбэккэ хаалар.
Дьиҥэр, саха уутуйан , былыргы үгэһин, тылын-өһүн баайын тутан, баччааҥҥа диэри бур-бур буруону таһааран олорор тыатын сирин киһиэхэ табыгастаах, тыа бородууксуйатын өлгөм гынарга үлэлэспит үтүө-мааны, туруу үлэһит, сырдык өйдөөх дьоммут аҕыйаҕа суохтара буолуо эбээт!
Бу балаһыанньаны хайдах көннөрүөххэ сөбө буолла? Ырытыыга суруйуҥ.
Оттон бэйэбит өттүбүтүттэн маннык ыҥырыы сурук таһаарабыт (тарҕатар биһирэнэр):
Күндү ааҕааччылар, Бикипиэдьийэҕэ саха учуонайдарын туһунан суруйуҥ, сатаан суруйбаппыт диэн кэтэмэҕэйдээмэҥ, саха ахсаанынан аҕыйах, онон "мин суруйбатахпына ким суруйуой" диэн санаанан салайтарыҥ.
Тэрийэр дьоҕурдаах, эппитин ылыннарар кыахтаах дьоҥҥо эбии ыҥырыы: устудьуон уонна улахан кылаас саастаах, эбэтэр биэнсийэлээх арыый иллэҥ соҕус дьону тэрийэн, ханнык эмит тиэмэлэргэ ыстатыйаларда суруйтарыҥ.
Тиэмэ эгэлгэ. Холобур, төрөөбүт нэһилиэккит биллэр-көстөр дьонун туһунан, эбэтэр холкуоскут, сопхуоскут туһунан, эбэтэр сиргит-уоккут, төрүккүт-уускут туһунан. Инньэ гынан төрөөбүт нэһилиэккитигэр, улуускутугар эрэ буолбакка, бүтүн саха омугар кэрэ бэлэҕи оҥоруо этигит. Ону таһынан Бикипиэдьийэ аан дойду бүттүүнүн ресурсата буоларын быһыытынан, ол сахалыы суруйбут ыстатыйаларгыт тута уопсай тиһиккэ киирэллэрин, киһи аймах бүттүүнүн билиитин олоҕун сорҕото буолалларын умнумаҥ. Оҥоһуу өй ону таҥастаан ханнык баҕарар тылынан ааҕыллар оҥорор кыахтаах.
Онон, доҕоттоор, кытаатан сахалыы суруйуҥ, билиигитин тиһиктээн, наардаан, сааһылаан дьон туһатыгар таһаарыҥ. Саха билиитэ утумнаах буоллаҕына өбүгэлэрбит да, бэйэбит да, тылбыт да өлбөт үөстэниэҕэ!
Ситиһиини баҕаран туран,
Биики Халандаар эрэдээксийэтэ
Биики Халандаар | Сурут