"ИЛИМ НУРУ" онлайн окутуу борбору📚

📖Пайгамбарыбыз ﷺ айткан: «Силердин эң жакшыңар – Куранды үйрөнгөндөр жана үйрөткөндөр» (Бухарий)

📖Пайгамбарыбыз ﷺ айтты: «Ким Куран окуса ар бир тамгасына он сооп жазылат» (Ибн Аби Шейба «Мусаннаф»)

Жаратканым окуп, үйрөнүп , үйрөткөн Кураныбызды эки дүйнөбүзгө пайдалуу кылсын!

☝🏻Аллахтан  сураганды  үйрөн..

"Эгер  пендем  Менден  сураса,  Мен  ага  жакынмын, Мага  дуба кылуучунун кайтарбаймын”. Бул дубасын чынчылдардын жоопсуз чынчылы, убадасында  бек  туруучулардын  бек  туруучусу  Улуу Аллахтын  убадасы.  Аллах  Таала  берген  убадасын  так аткарат.

Мурдараак айтып өткөндөй аял киши үй - бүлөөсүн дубасы  менен  калкалап  сактап  жүрүүгө  тийиш.  Аял кишин өмүрлүк жарына кылган дубасы, эненин балдарына кылган  дубасы  кабыл  болуучу  дубалардын  катарында. Аял  күнү - түнү  дуба  кылуудан  тажабасын. Күйөөсүнө,  балдарына,  ыйман  тилесин.  Балдарынын, кыздарынын  бактысын  тилесин.

Үйүнө  ынтымак, ырыскы,  береке  тилесин. Үй -  бүлөсүндө  болуп  жаткан  жакшылыктар өзүнйн түн  уйкудан  кечип,  көз  жашын  агызып,  алакан жайган  дубаларынын  кайрымжысы  экенин  билсин.

📍 Пайгамбарыбыз  (ага  Аллах тын  тынчтыгы  жана мактоосу  болсун): “Чокоюӊардын  боосуна  чейин  Аллахтан  сурап алгыла”  деп  осуят  кылган.

Алакан  жай,  дуба  кыл,  сура...

Сурай  турган  нерселер  огеле  көп...

Пайгамбарды  канчалык  сүйөсүӊ?

“Оӊ  тарабымды  карасам  да, сол  тарабымды карасам  да  Насибанын  жан  үрөп  салгылашып  жатканын көрдүм”. Бул “Ухуд” согушунан кийинки Пайгамбарыбыздын  (ага  Аллахтын  тынчтыгы  жана мактоосу  болсун)  айткан  сөзү.

Насиба  бинт  Каьб Каьбдын  кызы  Насиба, күйөөсү  жана  баласы  менен  бирге  “Ухуд”  согушуна катышкан  баатыр  аял.  Согушка  жөн  эле  катышпай, эркектердин  көбү артын  карабай  качып, душмандын  чок ортосунда Пайгамбарыбыз  (ага  Аллахтын  тынчтыгы жана  мактоосу  болсун)  бирин - серин  сахабалары  менен калганда,  көкүрөгүн  өлүмгө  тосуп,  Пайгамбарыбызды (ага  Аллахтын  тынчтыгы  жана мактоосу  болсун) коргогон  аял.

Ошол согуштагы бир ирмемди Насиба минтип кеп салат:

“Аскерлер  туш  тарапка  тозуп  качып,  Аллахтын элчиси  (ага  Аллахтын  тынчтыгы  жана  мактоосу  болсун) душмандын  ортосунда  жалгыз  калыптыр. Ибн  Камия деген  эме “Кана,  мага  Мухаммадды  көрсөткүлө,  же  мен же  ал...!”  деп  кылычын  жалаӊдатып  оолугуп  чыкты.  Мен анын  алдына  чуркап  чыктым. Бир жактан  Умайрдын уулу Мусаьб  да  жетип  келди.  Экөөбүз  тигини  Аллахтын элчисине  жеткирбей  ара  жолдо  тосуп  калдык. Тиги  мени дал  желкеме  уруп  калды.Ооруну  сезбедим. Менда кылычым  менен  көкүрөккө  чаптым,  бирок, жаныӊ жегирдин  эки  кабат  темир  чопкуту  аны  өлүмдөн  сактап калды”.

Кийин  Пайгамбарыбыз  (ага  Аллахтын  тынчтыгы жана  мактоосу  болсун)  аларга:  “Аллахым  бул  үй - бүлөгө береке  бергин” деп  дуба  кылганда бүлөгө, Насиба: “Оо, Аллахтын  элчиси,  сени  менен  бейиште  кошуна  болууну дуба  кылчы” -  деп  суранды.  Пайгамбарыбыз  (ага Аллахтын  тынчтыгы  жана  мактосу  болсун)  ушинтип дуба  кылды. Насиба  айтат:  “Аллахтын  элчиси  ушинтип  дуба кылгандан  кийин,  башыма  кандай  балээ түшпөсүн, аны такыр  сезчү  эмесмин”.

Чындап эле “Ямама”  казатында  он  эки  жеринен жаракат  алып, кыймылга  жарабай  калган  колун  кесип салышканда  да  Насиба  ооруну  түк  сезген  эмес  экен.

🤗 Менин  сүйүктүү  эжем,  сүйүктүү  карындашым. Сен  Пайгамбарды  канчалык  сүйөсүӊ?

“Оо,  Аллахтын  элчиси,  мен  сен  үчүн  мына мындай  иштерди  кылып  жатам,  акыретте  сени  менен кошуна  болуума  дуба  кылчы” деп,  кайсы  ишиӊди Аллахтын  элчисине  көрсөтө  аласыӊ...?!

Жума маарек, кылган дубаларыбыз кабыл болсун жакшылар!

👤Автор: Алайчы Сеитбеков.

📔"Аял сен асылсың" китебинен.

https://t.me/ilimnurusabaktar

💔💔💔💔💔💔💔💔💔💔

Инсандын эң корккон нерсеси өлүм.
Эч качан даярданбаган нерсеси да өлүм😢😢.


Адам үчүн эң коркунучтуу нерсе өлүм. Эң кызыгы ошол коркунучтуу нерсеге, эч качан даярданбайт.


https://t.me/ilimnurusabaktar

🤲Кечирим  тиле, күнөөӊ  кечирилет, ырыскыӊ көбөйөт...
⠀
Аллахтын  элчиси (ага  Аллахтын тынчтыгы  жана мактоосу болсун)  Айша  энебизге:
⠀
«Айша, эгер күнөө кылганыӊды сезсеӊ, Аллахтан кечирим  тилеп, Ага тообо кыл.  Адам  күнөөсүн  моюндап, анысына  тообо  кылса, Аллах  тообосун  кабыл  кылып, күнөөсүн  кечирет» деп  насаат  айкан.
⠀
Көпчүлүк  адамдар  өзүнүн  күнөө  кылганын билбейт.  Анткени, шайтан  адамдарга  алар кылган  күнөө туура  иштей  көрсөтөт.  Шайтандын  айлаамалы  ушунчалык күчтүү, кээде өтө чоӊ  күнөө кылып жаткан  адам  кылган ишин өтө  сооптуу  иштей  санап  алат.
⠀
Адам  өзү сезбестен  жасап  алган күнөөнү  ошол күнөөнүн  кесепетинен байкаса  болот. Мисалы, кээде жөндөн жөн  эле  жүрөк  кысылат, көӊүл чөгөт,  үйдөн береке  качат,  б.а.киреше  канчалык  көп болсо деле башка тарсаӊ  бутка, бутка  тарсаӊ башка  жетпеген  жашоо  болот ж.б .у.с.  көйгөйлөр көбөйөт.  Мына ушундай  учурда мунун  себебин  изилдөө  зарыл.Эгер  тыкыр  изилдесеӊ, буга  сенин  кайсы  бир  күнөөӊ  себеп  болуп  жатканын байкайсыӊ.
⠀
Демек, бул  көйгөйлөрдү  чечүүнүн  жолу ага  себеп болуп  жаткан күнөөнү жоюу.  А, күнөөнүн  жоюнун  жолу истигфар  айтып  кечирим  тилөөдө.
⠀
Пайгамбарыбыз  (ага  Аллахтын тынчтыгы  жана мактоосу  болсун)  бир  сөзүндө: «…мен  күн  сайын  жүз, кээде  андан  да  көбүрөөк  кечирим тилеп, тообо  кылам» деген. Эч  күнөөсү  жок,өткөн  жана  келечек  каталары кечирилген  пайгамбар  күнүнө жүз  жолу  истигфар  айтса, биз, күнөөсү  эки  атка  жүк болгон көр пенделер эмне  үчүн истигфар  айтпашыбыз  керек?!
⠀
☝🏻Сүйүктүү  эжем,  сүйүктүү  карындашым! Жыйырма  төрт  саат  убактыӊдан  он  мүнөт  бөлүп ал. Эч ким жолтоо  болбогон, эч  кимдин  үнү  угулбаган,  эч ким  көрбөй турган  жерге  отур.  Көзүӊдү  жум.  Жашап жаткан  дүйнөӊдөн  сыртка  чык. Көр тирилик,  көйгөй, мүшкүл, кайгы,  кубанычтын баарын эсиӊден чыгар. Өзүӊ жалгыз  өзүнчө  бир  мейкин  ааламга  калкып  чык. Анан колуӊдагы теспеӊди  шашпай тизмектеп:
⠀
📍 «Астагфируллоох  алАзиим, ва атуубу  илайхи» деп  чын  ыкласыӊ  менен жүз  жолу  айт. Жүз  болмоюнча көзүӊдү  ачпа. Толук айтып  бүткөндөн  кийин  көзүӊдү  ач. Эгер  ыйманыӊ  бекем болуп,  тозоктун  азабынан  корккон жүрөгүӊ  болсо  жана  көр  оокат  менен  күнөө  каталар жүрөгүӊдү  катыра  элек  болсо, бул  учурда  көзүӊдөн  жаш сыгылат. А, эгер  жүрөгүӊ  кату болсо  көзүӊдөн  жаш чыкпайт. Жаш  чыкпаса  да  кадимкидей  жеӊилдеп калганыӊды  сезесиӊ. Бүгүн  чыкпаган  жаш  эртеӊ  чыгат. Көзүндү  ачып  турганыӊдан  кийин, жашооӊ жарык болуп, жашоого  көз  карашыӊ өзгөрүп калганын байка йсыӊ. Буга бөркүӊдөй  ишен. ...
⠀
🤗Анан  сага  ушундай  багыт  көрсөткөн мага  да  алакан  жайып  дуба  кылууну  унутпа… Жума маарек болсун жакшылар!
⠀
👤Автор: Алайчы Сеитбеков.
⠀
📔"Аял сен асылсың" китебинен.

https://t.me/ilimnurusabaktar

🛐НАМАЗ ОКУП ЭМНЕ ТАПТЫҢ?!

Аллах Таала чоң атам менен чоң энемди ырайымына алсын. Ошо кишилер басса - турса эскертип, кээде мактап, кээде урушуп, таң агаргандан баштап " тургула намаз окугула, кеч калды, болгула !" деп кайра - кайра айтып жатып намаз окуганды үйрөткөндөр эле... Атам кичүү баласы болгондуктан, мен чоң атам менен чоң энемдин колдорунда чоңойдум. Үйүбүз тоонун түбүндө күн кышында тийбейт, суугуна карабай, намаздын аба менен суудан да зарыл экенин кулагыма куюп, жети - сегиз жашымдан эле чоң энем ээрчитип алып, даарат алса даарат алып, намаз окуса кошулуп окуп жүрүп, жүрөгүмө орнотуп салыптыр жарыктык энем. Ушул күнгө чейин башыма келген оор сыноолордун курчоосунда калсам да, окуган намазымдын шарапаты менен жеңил өткөрүп, сынбадым. Азыр менде намаз калтыруу деген түшүнүк жок. Бир аз эле ооруп калсам дароо " Оо, Раббым! Намазымдан ажыратпа, акыркы демиме чейин тилиме, денеме жеңил кыл, намазым менен Өзүңө жолугайын" деп дуба кылам. Намаздын жашоом үчүн канчалык пайдасын ойлогон сайын, күн суукта эшик алдында чоң энемдин " Тургула намаз окугула !" деген чакырыгын эстеп ыраазы болуп, Алладан алардын билип - билбей кылган күнөө - каталарын кечиришин тилеймин. ..

Намаз жашообузда эң маанилүү ибадат экенин Пайгамбарыбыз саллаллооху алейхи салам өлөөр алдыңда " Үммөтүм, үммөттүм, үммөттүм! Намазга бекем болгула, намазыңарды өз убагында окугула, намазсыз бейишке кире албайсыңар, намазыңар жок Аллах алдында эч кимсиңер " деп эскертип кетти...

Намаз жөнүндө жаза берет, эскерте берет деп, намазга маани бербеген, кээде окуп, кээде таштап, анан баштаймын - деп жүргөн туугандарым! Намаз окуп эмне таптың десеңиз:

Акылым менен Алланы таанып, жүрөгүм менен сезип, өзүмдүн ким экенимди билип, жашоомдогу максатымды таптым. Дайыма кыжаалат болгон жүрөгүм тынчып, маанайым ачылып, башыма кандай сыноо келсе да стресс - депрессия дегенди жеңил чыккан жолду таптым. Жаман ойлор кетип, жашоого кызыгып, караңгылап калган дүйнөмө жарык кирди, анткени Аллахты таптым. Сиз менен мен күтүп, чакырып, издеп жүргөн бакыттын сырын таптым. Мен бактылуумун.
"Ким Жаратканды тапса, ал бүт нерсени тапканы. Ким Аны жоготсо, ал бүт нерсени жоготкону."

Дегеним, жашоомдогу эң маанилүү, зарыл ишим деп намазды эсепте. Намазды өз убактысында берилүү, кунт коюу менен оку. Тамак ичүүнү унутуп калбаган сыяктуу намазды да унутпа. Намаз – сенин максатың, үмүтүң, жашооң, өмүрүң болсун!

Эгер ушундай болсо, анда сүйүнө бер: сен Алланын коргоодосуң, периштелер дубасындасың, дайыма ырыскың ашып- ташып турат, өмүрүң берекелүү болот.

“Аллахым мени да, менин урук-урпагымды да намаз окуучулардан кыл” (“Ибрахим” сүрөсү, 40-аят).

🌹Жума маарек болсун жакшылар!

🧕Автор: Насиба Абдуллаева.

https://t.me/ilimnurusabaktar

🤲ШҮГҮР..

  Хиндустани азирет минтип айтат. Адаттагыдай эле эртең менен устазымдын жанында "Сахих Бухарини" көчүрүп жазып жатканмын. Бир убакта ашпоз келип, бүгүн жегенге эч нерсе калбагандыгын айтты. Устаз балдарга: "Бүгүн сабыр кылып тургула, Аллах кааласа, эртең ырыскы болор" деди. Ачка болсок да Аллахка шүгүр кылып, бөлмөлөрүбүзгө тарап кеттик. Бөлөмөгө  келер замат кайра китеп окуй баштадым. Ошол убакта чычкандын баласы ийнинен чыгып, тизилген китептердин үстүндө ары-бери баса баштады. Ары-бери чуркап алагды кыла бергендигинен, чыныны анын үстүнө көмкөрүп койдум. Бир аздан соң  ийинден чоңурак чычкан чыгып, чынынын жанына басып келди. Чынынын астында чый кылдаган үндү угуп, аны айланып ары-бери чуркай баштады. Ана ийнине кирип кетти да бир алтын теңгени тиштеп чыгып, чынынын жанына таштады. Дагы чыйкылдап чыныны айланып чуркады да, ийнине кирип кетти. Бир аздан кийин дагы бир алтын теңгени алып чыгып, чынынын жанына таштады. Мен аларды кызыгып карап отурдум. Чычкан ийнине кайра-кайра каттап отуруп он төрт алтын теңге ташып чыкты. Акырында, эч нерсе калбады дегенсип, бошогон баштыкчаны сүйрөп чыкты. Мен чыныны алып чычкандын баласын чыгарып жибердим. Чыйпылдаган эне бала ийнине чуркап кирип кетти. Аллах Таала чычкан себептүү биздин бир эмес, бир канча күндүк ырыскыбызды берип койгонуна дагы бир жолу шүгүр кылып, алтындарды алып устазыма жөнөдүм...


📔"Периштени ыйлаткан наристе" китебинен.

https://t.me/ilimnurusabaktar