OSHO

@kgosho

Channel's geo and language: Kyrgyzstan, Kyrgyz

Category: Politics

ОШО...БИЛИП ЖАША!

Related channels | Similar channels

Channel's geo and language

Kyrgyzstan, Kyrgyz

OSHO

17 Nov, 19:25

БШК АСУ добуштардын 95%ын санап бүткөндүгүн жарыялады. Ал боюнча Бишкекте жана Ош шаарында алдыда келе жаткан партиялар.

Бишкек шаары боюнча:

1. “Жаңы күч” - 29,5% (тактап айтканда азырынча 17 мандат)

2. “Эмгек” партиясы - 22,05 %(12мандат)

3. “Адилет" - 15,07 % (8 мандат)

4. “Ынтымак" - 13,96 % (8 мандат)

5. “Эл үмүтү" - 10,81% (6 мандат)

Ош шаары боюнча:

1. “Жаңы Кыргызстан” - 48,28% (22 мандат)

2. “Ынтымак” партиясы - 20,21% (11 мандат)

3. “Мурас” -15,07 % (8 мандат)

4. “Бир Бол” саясий партиясы -9,87% ( 5 мандат)

5. “Милдет” -10,25% (5 мандат)

Ош шаарында болгону 5 партия катышса АСУнун добуштардын 96% санагандан кийинки эсебинде бешөө тең мандатка илинген.

Эске салсак, бүгүн өлкөдө жергиликтүү кеңештерге шайлоо өттү. Жаңы мыйзам боюнча эл өкүлдөрү 5 жылга шайланышат.

@kgosho Билип жаша!

OSHO

ОШО...БИЛИП ЖАША!

211 0 0 6

OSHO

17 Nov, 17:44

00:23

Video is unavailable for watching

Show in Telegram

Бишкек шаарынын “Чыгыш 5” кичи районунда суу түтүгү жарылгандан кийин пайда болгон оюктун видеосу тарады

Күбөлөрдүн айтымында жарылган түтүктөн 8 кабат үйдүн бийиктигинде суу оргуштаган.

@ kgosho Билип жаша!

253 0 0 3

OSHO

17 Nov, 10:40

Борбор калаадагы ата-энелердин кулагына күмүш сырга

Бишкектеги бүгүн шайлоо өтүп жаткан мектеп, бала-бакча жана башка билим берүү жайлары эртең онлайн режимде иштейт. Тактап айтканда балдар үйдөн окушат.

Ал эми 19-ноябрдан тарта кадимки тартипте иштеп баштайт.

Мындай чечимге Бишкек билим берүү башкармалыгы БШКнын сунушу менен келгени айтылат.

Бишкектен башка аймактарга бул чечим тиешеси жок.

@kgosho Билип жаша!

OSHO

ОШО...БИЛИП ЖАША!

333 0 0 2

OSHO

17 Nov, 07:03

Сиз жергиликтүү кеңештер шайлоосуна катышып, өз тандооңузду жасадыңызбы?

Poll

Ооба, дайыма катышам!
Жок, эч качан, эч бир шайлоого барып, добуш берип көргөн эмесмин!
Аралыктан шайладым!
Биринчи жолу катыштым!
Биринчи жолу ушул ирет шайлоого бара албай калдым!

17 votes

338 0 0 1

OSHO

17 Nov, 06:57

Бүгүн, 17-ноябрда өлкөдөгү 264 жергиликтүү кеңешке шайлоо жүрүп жатат.

Адаттагыдай эле республика боюнча шайлоо участоктору таңкы саат 8:00 эшигин ачты. Анткени, бүгүн кыргызстандыктар 231 айылдык жана 33 шаардык кеңештерге өкүлдөрүн шайлап алышы керек.

БШКнын соңку маалыматтарына таянсак өлкөдө 4 млн 135 миң 39 шайлоочу бар. Алардын
1 млн 620 миң 243ү шаардык кеңештердин, калган 2 млн 514 миң 796 сы айылдык кеңештердин шайлоочулары.

Шаардык кеңештерде 993 мандат болсо, анын 51и борбор калаага таандык, айылдык кеңештерде жалпысынан 5391 мандат бар. Талапкерлер шаардык кеңештерге партиялык тизме менен, ал эми айылдык кеңештерге бир мандаттуу системада шайланышат.

Бишкекте учурда 7 партиянын өкүлдөрү ат салышууда. Алардын жалпы саны 300 талапкер болсо, 100гө чукулу аялдар.

Өлкөдө алгачкы ирет аралыктан шайлоо практикаланууда. Ал үчүн 10 шайлоо участогу ачылган. Аралыктан добуш берүү үчүн 9050 жаран арыз калтырган.

Жергиликтүү кеңештерди шайлоо кечки 20:00 ге чейин уланат.

@kgosho Билип жаша!

OSHO

ОШО...БИЛИП ЖАША!

349 0 0 3

OSHO

16 Nov, 16:01

Ноокат районунда кайгуул кызматкерлери 5 жашар баланы сүзүп алышкан

Ноокат районунун Шаназаров көчөсүндө жол кайгуулчулар эреже бузган айдоочунун артынан кууп баратып, көчөгө чыга калган 5 жашар баланы сүзүп кетишкен. Бала жеңил жаракат алган, деп белгилейт ЖКККББ басма сөз кызматы.

Ошондой эле аталган окуя боюнча кызматтык иликтөө жүрөрү айтылган.

@kgosho Билип жаша!

384 0 0 1 3

OSHO

16 Nov, 15:54

03:28

Video is unavailable for watching

Show in Telegram

Садыр Жапаровдун баласынын классташы, жол кайгуул кызматкери Мирлан Таалайбековдон жаңы “шоу”

Мирлан Таалайбеков, мындан ары өзүн камерага тартпоону чечсе керек.

Албетте, мыйзам бузган айдоочуларды кармап, тартипке чакырганы мактоого татыйт.
Бирок, контент үчүн алардын атайын кыжырына тийип, эмоциялуу абалга жеткириши бери дегенде кесибин туура эмес тандап алганбы, деген ойго түртөт.

Театр режиссерлугу бул кайгуул кызматкерин саргарып күтүп жаткандай 😉

@kgosho Билип жаша!

368 0 0 5 3

OSHO

16 Nov, 15:23

🇷🇺🇰🇬 Россияда ийгиликтүү иш алып барып жаткан “Заступник” тиркемеси Кыргызстанда да ишке кирет

🚼 “Заступник” мобилдик тиркемеси кичинекей бөбөктөр коркунучтуу абалга туш болгон учурда аларды коргоо үчүн керектелет.

🚼 Тиркеме иштеткенге ыңгайлуу, жөнөкөй жана смартфон блокто турганда да иштей берет.

🚼 Бала коркунучка туш болгондо атайын баскычты басат. Сигнал ата-энелерге жана call-борборго келип түшөт. Алар ошол мүнөттөн тарта баланын айланасында болуп жаткан добуштарды уга алат.

🚼 Эгер бала коркунучтуу абалга туш болгон болсо, адистер, куткаруучу кызматтар жана ыктыярчылар менен байланышып баланы куткарып чыгуу операциясын башташат.

🚼 Россияда аталган тиркеме 200 миңден ашуун ыктыярчы жана куткаруучулардын башын бириктирип, 2023-жылы эле 4500 дөн ашуун балага жардам көрсөткөн.

@kgosho Билип жаша!

OSHO

ОШО...БИЛИП ЖАША!

362 0 0 3

OSHO

16 Nov, 14:59

02:20

Video is unavailable for watching

Show in Telegram

КСДП партиясынын төрагасы Темирлан Султанбековдун атасы С. Жапаров менен К. Ташиевге кайрылды

Медетбек Султанбеков өзүнүн 30 жыл бою мекен тынчтыгын коргоп күч түзүмүндө иштегенин, Тажикстан-Афганистан чек арасындагы кагылышта тынчтык алып келүүчү болгонун жана Ош, Баткен окуяларынын катышуучусу экенин айткан.

“Кечээ сот отурумунда ИИМ жана УКМК кызматкерлери тынбай ары-бери кирип чыгып жаткандарын көрүп, судьянын чечим кабыл алуусуна кысым көрсөтүп жатышкандай таасир калтырды. Мен мындан аркы уулумдун коопсуздугун өлкөнүн жогорку аскер башчылары болуп эсептелген президентке жана УКМК башчысына тапшырдым. Бул менин расмий кайрылуум. Господа! Честь имею!”

- деген ал.

Эске салсак, КСДП партиясынын 2 мүчосү жана төрагасы Темирлан Султанбеков БШКга ат салышууда добуш сатып алууга аракеттенишкен деген жүйөө менен убактылуу кармоочу жайга киргизилишкен. Алар январга чейин камакта болушат. Партия өзү жергиликтүү кеңештерди шайлоого катышуудан четтетилген.

@kgosho Билип жаша!

352 0 0 3

OSHO

16 Nov, 14:31

00:44

Video is unavailable for watching

Show in Telegram

Кыргызстандын авиакомпаниянын учагы Бейрут аэропортундагы жарылуудан жабыркаган жок

“Моалэм Эвиейшн” авиакомпаниясы Кыргызстанда катталган. Ал жүк ташуу менен влектенет.

Учак Дубайдан учуп келип “Рафик Харири” аэропортуна конгон. Израилдиктердин бомбалары жарылган учурда, Кыргызстанда катталган аба кемеси эч кандай жаракат алган эмес.

“Моалем Эвиейшн” алгач 2020-жылы Кыргызстанда катталган. 2024-жылдын сентябрында каттоосун узарткан.

Юстиция министрлигинин маалыматы боюнча авиакомпаниянын ээси -Астионов Дмитрий Александрович болсо - Атаджанов Даврон Сабирович.

@kgosho Билип жаша!

367 0 0 3

OSHO

15 Nov, 21:51

"Евразия" кыргызстандык келечектеги ишкерлерди окууга чакырат

“Евразия” сеттик университети бизнес жаатындагы окутуулар курсунун алгачкы этабын баштады. Ага 18-35 жаштагы КМШ жана россиялык жаштар документ тапшыра алат.

“Евразиялык маданий коддор — ийгиликтүү бизнес-идеянын негизги принциби" аталышындагы окуу курсуна тапшыргандар бекер билим алат.

Бүткөн соң Москва мамлекеттик эл аралык мамилелер институтунун сертификатына ээ болот. Ошону менен катар эле Россиялык ири компанияларда практикадан өтүшөт жана "Евразия" автономдуу коммерциялык эмес уюмунун бизнес-идеяларын ишке ашыруу үчүн гранттар берилет.

Долбоордун максаты коомдук жыргалчылык менен салттуу баалуулуктарды урматтаган патриот бизнесмендерди тарбиялоо.

Аталган университет жол кире, жатакана жана тамак-ашка кеткен чыгымдарды төлөйт.

Кененирээк маалыматты жана документ тапшыруу жол-жоболорун окуу жайдын сайтынан алсаңыз болот.

@kgosho Билип жаша!

OSHO

ОШО...БИЛИП ЖАША!

401 0 1 3

OSHO

15 Nov, 19:09

Бийликтин бул эки “чабарманы” минтип нааразычылыктарын ачык жазып калганына караганда, Бишкек мэринин “кол тийбестиги” бүтүп бараткан окшойт

Айбек Жунушалиев 6 айда Бишкектин тыгынын жойбосо иштен кетет, - деген Акылбек Жапаров өзү аны коргоп “тыгынды жоюу планын иштеп чыкпаса дегенбиз”, - деп депутаттардын жаалынан сактап келатты эле.

Ал кезде мындай чабармандар укса да укмаксан, көрсө да көрмөксөн болуп, мэриянын алешемдиктери тууралуу ооз ачышчу эмес.

Экинчи ирет калаа башчысы болуп келип отурган Жунушалиев болсо азырынча автотыгынды чечүүдө студенттердин окуу графигин өзгөрткөндөн башка алгылыктуу иш жасай элек.

Ырас, бийликтин чабарман журналисттерине чейин жаны кашайып соцтармакка жазып жаткан соң, Жунушалиев чынында эле Бишкектин эң начар мэри статусуна ээ болчудай.

@kgosho Билип жаша!

405 0 0 3

OSHO

15 Nov, 11:02

00:10

Video is unavailable for watching

Show in Telegram

Бишкек медиктери үзүлүп кеткен колду тигип, сактап калышты

Улуттук госпиталдын хирургдарына колун бетон аралаштыргыч жулуп кеткен жаран кайрылган. Ал борбор калаага аймактан келип түшкөн.

Медиктер ага өзүнүн колун тигип, сактап калышты. Видеодо көрүнүп тургандай манжалар кыймылдоо функциясын жоготкон эмес.

Мындай уникалдуу операцияны жасоо 3,5 саатка созулган.

@kgosho Билип жаша!

411 0 1 1 8

OSHO

15 Nov, 09:38

Интернет желесинде Аскар Акаевдин юбилейине карата өткөрүлүүчү иш-чаралардын тизмеси жазылган кагаз тарады

Аскар Акаев ушул жылы 80 жашка толду. Ал буга чейин экс-президент макамын кайтарып алууга аракет кылып, бирок ЖК баш тарткан.

@kgosho Билип жаша!

406 0 0 2

OSHO

15 Nov, 08:52

“КСДП партиясынын шайлоодон четтетилиши аларга добуш берүүгө камынбаган шайлоочулар арасында деле ишенбөөчүлүк жаратты” Мындай пикирин ЖК депутаты Дастан Бекешов өзүнүн telegram каналына жарыялады.

Эл өкүлү мындай кадам жергиликтүү кеңештерге боло турган шайлоонун таза жүрүшүнө калктын ишенимин азайтканын айтып, КСДП ны шайлоого камынбаган жарандардын деле ишенимин суутту, - деп эсептейт.

Бекешов аталган партиянын айрым талапкерлерин четтетүү менен чектелсе болмоктугун кошумчалаган.

Ошондой эле ал, добуш сатып алууга күнөөлөө чындыка дал келбей жатканын, Ирина Карамушкина добуш сатып алууда, деп далил катары таратылган аудиодо эч кандай мыйзам бузууларды уга албаганын белгилеген.

@kgosho Билип жаша!

OSHO

ОШО...БИЛИП ЖАША!

396 0 0 3

OSHO

15 Nov, 08:37

Бишкекте үй-бүлөлук жаңжалдан дагы бир келин көз жумду

Бишкек шаарынын Ленин райондук ички иштер бөлүмүнө бүгүн таңкы саат 7:40та ооруканадан коңгуроо кагылып, бычактан жаракат алган 1997-жылы төрөлгөн аял киши келип түшкөнү боюнча маалымдалган.

Тартип сакчылар жетип барган кезде келин алган жаракатынан өзүнө келе албай жан бергени, ал эми 1990-жылы туулган жолдошу реанимацияга жаткырылганы белгилүү болгон.

Жаңжалдан аялы-күйөөсү экөө тең жаракат алышкан. Окуя шаардын Шералиев көчөсүндө жайгашкан турак-жайлардын биринде орун алган.

Учурда реанимациядагы жабырлануучунун палатасына көзөмөл орнотулуп, тергөө иштери башталганы кабарланат.

Жаңжал кызганычтан улам келип чыкканы, күйөөсү аялын 10 жолу бычактап, андан соң өзүнө кол салганы айтылат. Жубайлардын ортосунда 2 баласы бар.

@kgosho Билип жаша!

OSHO

ОШО...БИЛИП ЖАША!

399 0 0 4

OSHO

14 Nov, 19:32

КСДП партиясы жергиликтүү кеңештер шайлоосуна катышпай турган болду

Тактап айтканда партия шайлоого катышуу укугунан ажыратылды. Партия мүчөлөрү БШКга арыз менен кайрыла турганын билдиришти.

Бул аралыкта партия төрагасы Темирлан Султанбеков кайрадан тергөөгө киргизилгени айтылат. Анын байланышка чыкпай жатканын, жакындары жана адвокаттары издеп жүргөнүн айтып буга чейин КСДПнын мүчөсү, Алмазбек Атамбаевдин уулу Кадыр Атамбаев кайрылуу жасаган болчу.

@kgosho Билип жаша!

OSHO

ОШО...БИЛИП ЖАША!

414 0 0 10

OSHO

14 Nov, 16:01

01:07

Video is unavailable for watching

Show in Telegram

Акылбек Жапаров, Садыр Жапаров жана анын командасы бийликте дагы жок дегенде 10 жыл турушу керектигин айтты

Бүгүн Жогорку Кеңеште депутаттар 2024-жылда бюджеттин иштетилиши боюнча отчетун укту.

Анда Кабмин төрагасы Акылбек Жапаров депутат Саидбек Зулпуевдин каалоо-тилегин улай, пикирин айтты.

“Коомдо тынчтык болбосо биз экономикалык мындай жогорку өсүштөргө жете алмак эмеспиз. Бул жерде Камчыбек Кыдыршаевич да өзүнүн командасы менен келип отурат. Алардын да салымы чоң. Экономикалык өсүш мындан ары карай уланып, биз калктын калың катмарын камкордукка алып калыш үчүн Садыр Жапаровдун командасы кеминде дагы 10ж иштеши керек”,

- деди Акылбек Жапаров.

Акаевдин бийлигинен бери келе жаткан бул “сакадай бою сары алтын” саясатчы, кайсы учурда, кимге жана кантип комплимент айтышты мыкты өздөштүргөн эмеспи.

Саясаттагы урагыс карьерасынын себеби балким ушул болуп жүрбөсүн 😉

@kgosho Билип жаша!

419 0 0 4 13

OSHO

14 Nov, 11:04

“Раим Матраимов мамказынага 19,5 млрд сом төктү”. Мындай билдирүүнү бүгүн УКМК төрагасы Камчыбек Ташиев жасады

Ал депутаттардын “Раим Матраимов үй камагына чыктыбы? Эмнеге?”, деген суроолоруна жооп берип жатып, ал мурда төккөн 2,5 млрд сомдон тышкары өлкөгө 200 млн $ өткөрүп бергенин, муну сомго айлантканда 17 млрд сом болорун айтты.

“

Биз Матраимовду 3 берене боюнча кармаганбыз. Ал “чек араны мыйзамсыз кесип өтүү”, “бейбашчылык” жана “мүлктөрдү мыйзамсыз легалдаштыруу”. Мунун алкагында 8 ай тергедик. Дагы 200 млн $ мамлекетке төлөттүк. Эми аны кармап отура бергенден өлкөгө да, өзүнө да пайда жок. Ошондуктан үй камагына чыгардык. Эми сот болот. Жогоруда мен айткан беренелердин да өзүнүн жазалары бар. Айып пул же 5 жылга чейин эркинен ажыратуу сыяктуу эрежелер каралган. Соттун чечиминен соң Матраимов аларды да аткарат”

,-деди Ташиев.

Башкы чекист Матраимов бардык каражатты акчалай төкпөгөнүн, арасында мамлекетке өткөн мүлктөрү да бар экенин белгиледи.

Ал мурдагы аткаминердин Бишкек шаарындагы базар баасы 53 млн $ турган 14 кабаттуу бизнес борбору мамлекетке 32 млн $ бааланып өткөнүн жана Ош шаарында “Ихлас” курулуш компаниясы менен биргеликте куруп жаткан курулуш объектилериндеги бизнес борбор, батирлери базар баасы 1500-1700$ болсо, мамказынага 1200$ бааланып өткөнүн кошумчалады.

Ал борбор калаадагы аталган 14 кабаттуу имарат күч түзүмдөрү үчүн госпиталь боло турганын жана бул саналган курулуштардын баары Мамлекеттик курулуштун балансына киргенин билдирди.

@kgosho Билип жаша!

OSHO

ОШО...БИЛИП ЖАША!

422 0 0 3 6

OSHO

14 Nov, 10:36

01:11

Video is unavailable for watching

Show in Telegram

Жогорку Кеңеште бүгүн депутат Балбак Түлөбаев Ысык-Көлдүн соолуп баратканына тынчсызданды.

Кабмин төрагасы Акылбек Жапаров буга жакында ири илимий конференция өтөрүн айтып бул теманы талкуулоого Россиядан жана башка мамлекеттерден илимпоздор чакырылганын билдирди.

“Биз Аралдын тагдырын кайталап калууга жол бербешибиз керек. Азыр казак, өзбек эди менен да сүйлөшүүлөр жүрүп жатат. Түшүндүрүү иштери жүрүүдө”,-деди ал.

Буга чейин агроном окумуштуулар да Ысык-Көлдүн соолуп баратышынын негизги себептеринин бири катары илимий негиздемеси жок эле сугат сууну бургулоо болуп жатканын болжошкон эле.

@kgosho Билип жаша!