Рамазанға дайындалудың бес жолы:
1. Дұрыс ниет жасау. Ең басты ниет – Алланың разылығы, нәпсіні тәрбиелеу, жаман әдеттерден арылу. Ал арықтау, диета сынды ниеттер – бос, Рамазанның қадірін кетіреді. Сіз бұл айда Аллаға тағы бір қадам жақындауыңыз керексіз.
2. Күн тәртібіңізді ретке келтіру. Себебі, Рамазан айында түнгі ұйқы аз болады. Сол себепті күнді тек ұйқымен өткізбейтіндей, күн тәртібіне қазірден бастап игі істерді енгізіңіз. (Құран оқу, нәпіл намаздар, әлеуметтік желіні шектеу т.с.с.)
3. Дұрыс тамақтануды бастау. Яғни, фастфуд, чипсы сынды зиян заттардан тыйылыңыз. Рамазанда шөлдемейтіндей кофе мен шайды қазірден азайтыңыз.
4. Денсаулығыңызды тексерту. Егер де тіс мазаласа тіс дәрігеріне барып, басқа жеріңіз ауырса, оразада қиналмас үшін дәрігерге жолығыңыз. Күндіз дәрі қабылдайтын болсаңыз, оны ауызашар кезінде қабылдау жайлы дәрігермен кеңесіңіз.
5. Біліміңізді шындау. Әдетте ораза ұстаушылар әр жылы бір сұрақтарды қойып, қайталай береді. "Укол оразаны бұзады ма?", "тіс дәрігеріне барсам болады ма?", "суға түсуге болады ма?" сынды сұрақтар Рамазан айында өзекті мәселелерге айналады.
Бұндай сұрақтарды қайта-қайта қоя бермеу үшін фикх дәрістерін қараңыз, кітап оқыңыз.
Оразада өзіңізді мазалай беретін сұрақтардың жауабын қазірден бастап табыңыз. Сонда Рамазан айында сізді тек ғибадатпен айналысу алаңдатады.
📝 Міне, бұл - Рамазанға дайын болудың 5 жолы. Одан бөлек сіз нәпіл ораза ұстаңыз, садақа беріңіз, мінезінізге көңіл бөліңіз, жаман әдеттерді тастаңыз.
🤲🏻 Алла Тағала Рамазан айына аман-есен жеткізсін!
