Aisuluu Almaz✨


Channel's geo and language: Kyrgyzstan, Kyrgyz


Кыргызча күндөлүк #кыргызча

Related channels

Channel's geo and language
Kyrgyzstan, Kyrgyz
Statistics
Posts filter


Баса жабык телеграм каналым даяр болду, катышкыңар келсе төмөндөгү шилтеме аркылуу маалымат алып, кошулуп алсаңар болот👇🏻

t.me/denisakmamile_bot


"Жаңы кыргыз адабияты" аттуу чыгармалар жыйнагына жаш акын-жазуучуларды издейбиз...


Арстан экөөбүз кыргыз тилинин жана адабиятынын өнүгүүсүнө салым кошуу максатында жылда бир жолу жарык көрө турчу "Жаңы кыргыз адабияты" аттуу чыгармалар жыйнагын, биздин куруп жаткан Балаком басма үйү аркылуу чыгарып туралы деп ойлоп жатабыз.

Илгери жазуучулар алгачкы чыгармаларын белгилүү адабий гезиттерге чыгарып жүрүп аты чыгып анан китептери басылып чыкчу эле го... Акындын, жазуучунун эң алгачкы ыры, аңгемеси баланча гезитке басылып чыккан деп адабият сабагынан окучу элек...

Дал ошол жаш акын-жазуучуну эл алдына алып чыгып, окурмандарына жолуктуруп, өзүнүн жана өзү сымал башка жаш таланттардын чыгармаларын алгачкы жолу чоң томдук китепте колуна кармап, чыгармачылыгына тушоо кесилип, өркүндөп-өсүүсүнө өзгөчө шык жана дем алсын деген максат менен "Жаңы кыргыз адабияты" аттуу керемет чыгармалар жыйнагын жылда чыгарууну адатка айланткыбыз келип жатат...

Андыктан, менин ушул ырым, аңгемем, чыгармам 2024-жылынын акырында жарык көрчү "Жаңы кыргыз адабиятында" чыкса сонун болмок деген жаш акын-жазуучуларды издейбиз.

Шарттарыбыз:

Оригиналдуу, башка жерде жарык көрбөгөн чыгармаңызды 1-июнь, 2024-жылга чейин төмөндөгү электрондук дарекке жөнөтүңүз:

madamize.letter@gmail.com

Чыгарманын Word же PDF форматында, каталарын текшерип, "ө, ү, ң" кыргыз тамгаралын колдонуп, төмөндөгү маалыматтар менен кошо жибериңиз:

⁃ толук аты-жөнүңүз
⁃ өзүңүз тууралуу кыскача маалымат
⁃ электрондук дарегиңиз (email)
⁃ телефон номуруңуз

1-июнь, 2024-жылы Бишкек сааты кечки 12де кабыл алуу жабылып, 1-август, 2024-жылга чейин тандоо иштерин жүргүзөбүз.

Тандалган чыгармалардын ээлерине 1-август, 2024-жылы байланышабыз.

Эмитен баардык катышуучуларга ийгилик каалайбыз!

Терең урматыбыз менен,
Арстан & Айсулуу


Тиричиликтин арасынан суурулуп чыгып, кыялдарга чуркаган эрдикти талап кылат…

Курсагың, чөнтөгүң тойгондон кийин өзүңдүн чыныгы ким экениңди, нукуралуулугуңду таанып, өзүңдү оң, терс сапаттарың менен кошуп кабыл алганда анан канча жылдан бери аркалап жүргөн кесибиң, ал тургай куруп алган кыялдарыңдын канчалык табигатыңдан алыстап, коомдо актуалдуу болгон “ийгиликтүү болуу” деген идеяны кубалап алганыңды түшүнөт экенсиң…

Балким акыркы он жылда чет өлкөдө окуп да, иштеп да, бир канча жерде жашап да көрүп, бир топ нерсе мени баягыдай түрктөр айткандай, шашыртпай, аа деп таң калдырып, кызыктырбай калдыбы айтор, илгеркидей улам бир жер көрүп көп саякаттагым да көп келбей калды…

Анан ох дал ушундай үзгүлтүксүз иштей берсем, бир күнү дүйнөлүк иш каналардын финансы бөлүмүн жетектейм, бизнес чөйрөсүндө укмуш ийгиликтүү лидер айым болом деген кыялдарды мен эмес эле башка бир адам куруп койгодой кыял-максаттарым да чоочун болуп сезилип калды… ичимде башкача бир оңурайган боштук…

Көрсө бала кезде кыялданып, аркалагың келген кесип, чыныгы табигатыңа жакын болот окшойт да… бала нукуралуулугунан, рухунан мээси, денеси алыстай электе ким болгусу келгенин билет окшойт…

Анан кесибимди алмаштыргым келип, кайрадан окууга тапшырып, өзүмдү кайрадан жараткым келип, жакындарым колдоп, макул болуп койсо эле баштайт элем дегендей ойдо болуп, өткөндө мамама чалып, кайрадан окууга тапшырып, финансыдан башка нерсени окугум келип жатат десем, мамам “азыр өзүңдү каржылаган чоң аялсың да, каалаганыңды оку, кайсы иш жакса ошону жаса” десе ушунчалык жаш баладай, баягы мектепти бүтүрүп жогорку окуу жайына тапшыргым келген 17 жаштагы өспүрүм кыздай сүйүндүм го…

Көрсө, бир убакта кыялданып окуп, жетип, жасап келген кесибиң да кадимки тиричилик абалына келип, баягыдай кызыкпай калуу нормалдуу көрүнүш окшойт…

Эң негизгиси чымырканып, эртең өкүнүп калбайын, жашоомду, өзүмдү кайра жаратайын дегенге кудуретиң жетип, болгон дараметиңди жумшооң эң маанилүү окшойт…


Баса бул темада телеграмдагы жабык каналымда кеңири айтып берем…


Дос-душман деген ким билесиңерби?

Адамдан табигатын изилдеген жазуучулардын китептерин окуганды, катышкан подкасттарын укканды аябай жакшы көрөм. Отуруп окуганга убактың жокто, пайдалуу подкастты басып, оокат кылып жүрүп уккан аябай жагымдуу го.

Анан кечээ жумушта көп ойлондурбаган бир баяндаманы анализдеп жатып, белгилүү Америкалык жазуучу, китептери чоң сынга, уруш-талаш чордонунда калган Роберт Грин катышкан подкастты угуп, досуң сымал көрүнүп, а чынында жүрөгүнүн түпкүрүндө сени көрө албаган, сени менен атаандашкан чала дос, тагыраагы дос-душман тууралуу берген аныктамасы ушунчалык жакты…

Дос-душман же англисчеси frenemy түшүнүгүн Роберт мырза, “сени менен атаандашып, же сени, жасаган эмгектериңди көрө албай жаткан сезимдери ашып-ташып кетип, сени менен таанышып, сени менен тез арада достошуп, жан дүйнөңө кирип туруп анан сени жаралайт, анан ал жарадан чоң жабыркайсың, адамдар менен достошкондо, өзгөчө, жан-талашып, сени менен шашып мамиле кургусу келген адамдардан абайлаш керек, жыйынтыгы сен үчүн жаман болот” дейт…

Анан дагы “адамдын аң-сезим түпкүрү ушунчалык күчтүү, сени көрө албай, мээси, денеси кайнап, сени менен атаандашып, сага жакындагысы келип жатканын өзү да көп учурда байкабайт, ал атайылап, билип келгенден да коркунучтуу” дейт жазуучу…

Достон жолум жок, эмнеге ким менен таанышып мамиле куруп баштасам эле бир аздан кийин атаандашым, жасап жаткан ишимди көрө албай, көтөрө албай өйдөлөнүр калышат деп көп изилдеп жаткам.

Ал тургай психологго көрүнүп, өзүмдү эми кайрадан жараткым келет, достон жолум жок, мындан ары таанышкан адамдар менен кандай мамиле куруум керек, кайдан, кандай ката кетирдим деп сураганымда психологум өткөн жумада “сенин аракетчилдигиң, өзүңө ишенгениң, оюңду эч кимден коркпой айта алганың, койгон максаттарыңа жетип, күндө өсүп, өнүгүп жатканың айланаңдагы көп адамдардын кыжырына тиет, алар өзүнүн жашоосун карап, эмнеге мен андай кыла албайм, эмнеге мен жылбай элем деген сезимдерди жаратып, сени жек көрүүсүнө алып келет” деген сымал көзөмөлүн айтканда ойлонуп калгам…

Анан жогоруда эскерген подкастты угуп, атың чыгып баштаганда, өзгөчө баары азыркыдай соц. тармактарда жайылган дүйнөдө бул нерсенин азайбай көбөйө турганын божомолдоп, адамдар менен канчалык жакын мамиле курам десең деле баары бир адамдын пенделик напсиси болгондон кийин, бирде болбосо бирде эмгегиңди көрө албай, өзүн башкара алган бийиктик деңгээлге жете албай калат окшойт деп ойлоп калдым…

Адамсың да, кээде сезимдериңдин курманы боло каласың, анан тирүүлүктүн маңызы ошол болсо керек, кечээ жасаган катаңды бүгүн кайталабайын, оңолоюн, адам болоюн деп өзүңдү талбай күндө тарбиялайсың…

Анан жан дүйнөңө ар кимди эле киргизбей, кылдат мамиле кылып, сүйлөшө турчу адамдарды иргеп, этият болуп, өзүңдү коргоп каласың.

Ошол болгону…


Кутман кеч🌛

Инстаграмда тарыхчаларда азыр айтып бергендей, биз козгогон темаларды, өзгөчө эмоц. жетилүү, дени сак мамиле куруу, аң-сезимдүү жашоо темаларын кеңири талкуулайлы, мен блогдо айта албаган жеке тажрыйбаларымдан айтып берейин деп, телеграмда жабык группа түзүп жатам.

Кирүү акысы айына 500сом болот,

Кызыккандар болсо жеке катка жазсаңар э, кеңири маалымат жөнөтөм.

🫶


Абдан маанилүү темада кыска видео бөлүштүм,

бул жума бул туурасында дагы жакшылап кеңири айтып берем👇🏻

https://vm.tiktok.com/ZMMBcHNTw/


Жашооңдон чыгып кеткен адамдардын улам жакшы тарабын эстеп, актап, кечиргенге аракет кылгандан көрө, аларды унутканга аракет кылуу канчалык пайдалуу э?

Отуз жашка келген маалдарда, жашоодо белгилүү бир орун таап, өзүңдүн ким, кандай адам экениңди таанып, айланамды кандай адамдар менен курчагым келет деп, катышчу адамдардыңды кылдаттык менен тандап калат экенсиң…

Анан өзүнө ишенген, жеке жашооңдо эле эмес, коомдук ишмердүүлүктө, коомдо да ордуңду таап, атың чыгып баштаганда айланаңда баягы таанып жүргөн адамдарың өзү эле эленип, сенден мурун сенин аброюңду көтөрө албай калат экен…

Бала чагыңдан бери тааныштар эле эмес, мобу жакында таанышкандар деле өйдөлөнүп, улам өсүп жатканыңды көтөрө албай калат экен…

Мурда башыңа чоң дөөлөт коно баштаганда дөөлөттү көтөрө билген, улам бийиктеген сайын жөнөкөйлөшүп жерге жакын болуп, адамгерчилигиңе дагы да жакындаганга кудуретиң жеткен бийик сапат деп билсем, эми,

жакындарың, тааныштарыңдын улам өсүп жатканын көрүп турсаң да, адамдык напсиңди, көрө албаган арам сезимдериңди башкара билип, сөзү, аты чыгып жаткан тууганыңды, досуңду, таанышыңды колдой билген да эбегейсиз зор, бийик сапат окшойт деп калдым…

Акыркы 3-4 жылда байланышпай же жылуу мамилем сууп калган дос, туугандарды эстеп, бир убактагы жагымдуу чогуу өткөзгөн убактарды жоктоп капаланып, мага жасаган адилетсиз мамилесин улам актаганга аракет кыла берип, улам жыйнаган жан дүйнөм жарылган жаздыктай уйпаланып пырлары туш тарапка учуп, өзүмдү жыйнай албай калат элем…

Азыр чыгармачылык эргүү өзгөчө оргуштап келгени аз келгенсип, биздин коомдогу айымдардын жашоосун жакшыртам, кыргыз бөбөк адабиятын жаңы деңгээлге алып чыгабыз деген сезимдер тынч уктатпай жатканда, жан дүйнө тынчтыгын алып келүүнүн баасы эмге болсо да алып жетейин деген чечимге келдим…

Чыгармачылыкта өзгөчөлүк, жаңы эч ким ойлоно элек жаңылыкты алып келүү үчүн, пенделикке жаткан майда-барат сезимдерди жашаганга жол бербегенге кудуретиңди жеткизүүнү үйрөнүү керек экен…

Анан эми мындан ары айланамдагы башка бирөөлөрдүн адамгерчилик, аң-сезим деңгээлине, напсисин башкара албаган алсыздыгына жоопкерчилик алып, улам бир аракетин актаганга аракет кылып, жан дүйнөмдү улам талкалабай, жашоомдон кеткен ар бир адамды жөн гана кое берейин, унутканды тандайын деп чечтим…

Кээ бир бузулган мамилелерди оңдогонго аракет кылган, сынган жумуртканы чогултканга аракет кылгандай эле экен.

Мен кечиримдүү адам эмес экем, канча аракет кылсам да таарынычтан айыкканым менен, мага жасалган адилетсиздиктерди унута албайт экем…

“Кечиримдүү бол” дешет…

Менимче кечирип, жыртылган мамилени улам жамап, канча кылдат жамасаң да тигиштери таманыңды өйкөй берген жамаачы байпак кийген сымал, кээ бир мамилелер канча жамасаң да жамалганы билинип калат экен…

Кечирип, өзүңдү зордоп, кыйнагандын ордуна, жашай турчу таарынычыңдын баарын жашап, жүрөгүңдөгү жүктү алып ыргытып ийип туруп, унутуп, мамилени токтотуп эле койгон кээде туура тандоо окшойт…


Достор сүйүнчү☀️

Жөнөкөлүк китебим бүгүн Ош, Жалал-Абад шаарларына жетти…

Төмөндөгү дүкөндөрдөн алсаңар болот👇🏻

Алдей-Алдей Ош
* Дареги: Курманжан Датка 213а/1
* Инстаграм @aldey_aldey_osh
* Тел: 0507-49-53-12

Алдей-Алдей Жалал-Абад
* Дареги: Джалал-Абад, “Плаза" соода борбору, 3-кабат, 13-бутик
* Инстаграм @aldey_aldey_jalalabad
* Тел: 0702-49-53-12

Китептин баасы 800сом.


Video is unavailable for watching
Show in Telegram
Чыгармачылыгымды, коом үчүн жасап жаткан агартуу иштеримди колдоп, китебимди алып, убакыт бөлүп, окуп жаткан ар бир окурманыма терең ыраазычылык билдирем❤️

Китепти төмөндөгү дүкөнгө кайрылып алсаңыз болот.

Дүкөндүн региондорго жеткизүү кызматы дагы бар.

Бишкек шаарында:

Данек Буукс Бишкек
* Дареги: Калык Акиев/Токтогул “Весна” соода борбору 3-кабат, с31-бутик
* Инстаграм @danek_books
* Тел: 0777-85-84-10

Алдей-Алдей Бишкек дүкөндөрү
* 1-дүкөн: Калык Акиев/Токтогул “Весна” соода борбору 3-кабат, 24-бутик
* 2-дүкөн: Орто-Сай, Ж.Пудовк.146/Донецк көчөсү
* Инстаграм @aldey_aldey

Ош жана Жалал-Абад шаарларында:

Алдей-Алдей Ош
* Дареги: Курманжан Датка 213а/1
* Инстаграм @aldey_aldey_osh
* Тел: 0507-49-53-12

Алдей-Алдей Жалал-Абад
* Дареги: Джалал-Абад, “Плаза" соода борбору, 3-кабат, 13-бутик
* Инстаграм @aldey_aldey_jalalabad
* Тел: 0702-49-53-12

Китептин баасы 800сом.




Аял төргөндөн кийин денеси мурдагыдай болбой калат экен…

өтө жеке маселени жазам, “ушуну айтпай эле койбойт белең” демей жок….

балаком Алманбет 2021-жылы жайында төрөлгөн, анан өткөн жайда 2 жашка чыкканга чейин эмизип анан, 2ге чыгып дардайды деп эмчектен чыгарганбыз….

бала эмизип жүргөндө, анын үстүнө балаң кичинекей, дагы деле өзүңө кам көргөнгө убактың, кубатың көп жок болуп байкалбайт экен,

балаң эмчектен чыккандан кийин “бүттү балаң бир аз чоңойду, эми өзүңдү кара, аял экениңди эсте” деген мээге кабар кетет окшойт да, өзүңдү күзгүдөн карап баштайт экенсиң…

балам эмчектен чыккандан кийин аябай арыктап, денемдин сөөктөрү көрүнүп, баягы балкылдатып бала эмизип, тойгузуп жүргөн төшүмдүн териси эле калды…

денеңди шартсыз кабыл алып, өзүңдү, өзгөчө денеңди жакшы көрүп турсаң да ылайыктуу кийим таппай, өзгөчө төш тарткыч таппай кыйналат экенсиң…

анан төшүмдүн териси эле калып, баягы төш тарткычтар чоң болуп калганынан кыштай, йога жасаганда кийчү ич кийимдерди кийип жүргөм, анан жаз келди, эми жука кийим кийем да деп, кечээ айтылуу Викториянын сырлары деген дүкөнгө баргам…

сатуучу кыздар айланчыктап, көкүрөгүмдү өлчөп, кеминде 30 ич кийим алып келишип, кийип көрүп, бирөө да жакпай, кадимкидей стресс болуп, эч нерсе албай сыртка чыктым…

мен го чак кийим таппай эле канча стресс болдум, анан жаңы денесин өзүнө эле эмес, күйөөсүнө кабыл алдырта албай беймаза болуп жаткан айымдарды ойлоп заманам тегеренди кечээ…

мага окурман айымдар “төшүм жок калды бала эмизип жатып, төш жасатууга кандай карайсыз” деп жаза эле беришчү, анан бул табийгый көрүнүш, денеңе жөн жерден бычак тийгизбей, балким өзүңдү кабыл алганды, бул энеликтен эстелик деп жээрибей, балким жакшы көрөсүз деп соорутуп калчу элем…

баласы эмчектен чыккандан кийин чак кийим таппаганы аз келгенсип, күйөөсү “төшүң баягыдай болбой калды, төшүң эле эмес, жан жериң да кыздыкындай болбой калды” деген тумшуктан ары бир койчу күйөөлөр бар экен.

мага канча айым, “өзүм чарчап турганым аз келгенсип, күйөөмдүн улам сын айтканы жанымды жеди” деп арызданып жазышат. Төшөктөн башканы ойлобогон, аялынын жан соолугун бир тыйынга да баалабаган эркек аттууларды көрүп-угуп, жаның кейийт да…

анан кийим таппай, өзүм чарчап, мага келген каттардын баары көз алдыман учуп, дүкөндөрдү аралап бара жатсам, өспүрүм кыздардын ич кийимин саткан дүкөн көзүмө учурай калды…

аябай жагымдуу кыз көйгөйүмдүн баарын угуп, 4-5 өңдөгү сонун мага чак ич кийимдерди тандап берди…

анан дүкөндөрдөгү сатуучулар, негизи эле ушундай абалда аял-алды “ии толуп кетиптирсиң, акыктап кетиптисиң, чачыңды кара, кана төшүңдү закыйткан ич кийим кийбейсиңби, кебетең кантет, боенуп жүрбөйсүңбү” деп уу тили менен уулабай, колдоо көрсөтүп, аяр мамиле жасап койсо э…

мисалы эң жөнөкөй инстаграмдагы хейттин көбү аялдан-аялга…

ушунун баары аял-аялга боору ооруп, колдоо көрсөтпөгөнүндө…

зордук-зомбулук жалаң эркектен келет деп ойлойсуң, бирок аялдан-аялга келген моралдык зордук-зомбулуктан да кеп кылып туруубуз кажет…


Кайын сиңдим Айзадок Жөнөкөйлүк аттуу китебиме мындай сонун видео жасап берди.

Тамагым ооруп араң китеп тууралуу жазып, үнүм менен кошо жибердим эле… бирок көп деле билинбептир👀

https://vm.tiktok.com/ZMMMayv9B/


Кутман таң☀️

Бул жума жаңы темаларга подкаст тарткыча, бул чыгарылышты көрүп турсаңар болот.

Эмоционалдык жактан жетилген негизи көп көйгөйүңдү чечет…

менин тажрыйбаларым, каталарымды аңдаганым, балким силерге да жардам берет👇🏻

https://youtu.be/evbHnBkzTpM?si=mTbyJULZsyUu_FhB


Жогоруда бөлүшкөн подкастка мындай суроо-суруштар келип жатат…

Эми финансылык сабаттуулук туурасында көбүрөөк сөз кылат окшойбуз э?

Силердин бул темада суроолоруңар барбы?


Алгачкы подкастым ютубда даяр болду, көрүп оюмду толуктап, пикир алмашып, ушул да көрсүнчү деген жакындарыңарга жөнөтүп койсоңор подкастымдын дагы да өнүгүп, дагы да коомго абадай-суудай керек темаларды алып чыкканга көмөкчү болмоксуңар❤️

https://youtu.be/zAPBrq9RgS4?si=O-0n7sHmvLgjSQWo


Кутман кеч🌛

Дени сак мамилеге бүгүн алкачкы, оор бирок аябай пайдалуу темадагы подкастым чыгат. Ютуб жана башка баардык подкаст угуу порталына бөлүшөбүз.

Жайдан бери ютубга түрдүү видеолорду тартып, камерага көнө бергеним жакшы болуптур, эми агартуучу темадагы далай подкаст тартып бөлүшүүнү пландап жатабыз.

Жаштар, жеке тажрыйбага таянган маалыматтарга суусап турат…

Кош келдиң Дени сак мамиле подкасты❤️

Сенден үмүтүм чоң❤️


Video is unavailable for watching
Show in Telegram
Китебим чыгып жетине албай турам😍📚

Канчадан бери күттүрүп жатып Бишкекке эми жетти…

Алып окуп, же жакындарыңарга белек кылам десеңиз төмөндөгү дүкөнгө кайрылсаңыз болот:

* Дареги: Калык Акиев/Токтогул “Весна” соода борбору 3-кабат, с31-бутик
* Инстаграм @danek_books
* Тел: 0777-85-84-10

Баасы 800сом.

Алып окусаңар, кандай пикирде калдыңар буюрса жазып коесуңар да❤️


Эмнеге чоң энелерибиз “күйөөгө шашпа, күйөө качпайт, оку” дешчү?

Сүрөттөгү сулуу менин чоң энем. Мектепти жаңы бүтүрүп жогорку окуу жайына тапшырайын деп жаткан убакта, менин атам, ата-энеси менен энемдин колун сурап, куда түшүп келишип, энемдин ата-энеси “улуу кишилер колуңду сурап, алыс туугандар кайра сөөк жаңырталы деп жакшы ниет менен келсе, жок дебейли” деп энемди атама күйөөгө беришиптир.

Энемдин чоң энеси менен, атамдын чоң атасы бир тууган, анан кыргызда алыс туугандар алыстап, катышпай калганда, туугандык мамилени кайра жаңылайлы, сөөк жаңырталы деп балдарын кудалашчу. Анан энем менен атам, дал ошол салттын негизинде үй-бүлө кургандардан.

Энем ушул окуяны айтып берген сайын, окуйм мен, күйөөгө азыр тийбейм дебейт белең деп энемдин кыялдарына жете албай калганына ичим ачышып калганымда энем “ал убакта ата-энеңдин айтканынан чыга алчу эмессиң да, эч нерсе дей алган эмесмин, азыр сенин заманың сонун да, күйөө эч кайда качпайт, оку, кыялыңа жет, кесиптин ээси бол, кесип сени өмүр бою багат” деп калат эле…

Энемдин менин заманында төрөлгүсү келгенин, менин заманыма кызыкканын “оку” деп айткан сайын көзү күйүп турганынан көрүп, заманымдын бүт мүмкүнчүлүктөрүн колдонгум келип, шерденип калат элем…

“Кийин турмушка чыккандан кийин деле окуп алайын дедим, анан дароо балалуу болдук, турмуш оор, жан багуу үчүн күндө иштөө керек болду” деп энем ушул убакка чейин кейип калат. Энем өмүр бою өзү айткандай союздун-өкмөттүн жайкысын талаасында, кышкысын мал-жан баккан чарбагында иштеп жүрүп пенсияга чыккан, өзү айткандай өкмөттүн талаасында жүрүп, жаштыгы, өмүрүнүн баары өтүптүр.

Анан мени жогорку окуу жайын бүтүрүп жок дегенде 2-3 жыл иштеп, финансылык көз карандысыздыкка жетмейинче күйөө деген ойдо болбосун деген программа менен чоңойтушкан үйдөн…

Энемдин, мамамдын “оку, иште, финансылык көз карандысызык - сенин сөз эркиндигиң, аял катары биздин патриарх коомдо укуктарыңды билүүң” деген тарбиясына улам жашоо тажрыйбам көбөйүп, улам чоңойгон сайын ыраазы болуп жатам.

Азыркы сөз эркиндигим, үйдө жолдошум менен тең укуктуу, бир-бирин сыйлаган жолдош катары мамиле кура алганымдын баарынын башталышы барып, менин “оку, сен дагы адамсың, эркектен эч бир нерсең кем эмес” деген үйдөн көргөн тарбиянын натыйжасы…

Кечээ энемдин сөзүн жазып китептердин жанында отурган кыздын видеосун бөлүшсөм, комментрийде бир канча айым “аялдын болгон бүткөн жашоосу күйөөгө кызмат кылуу, бейиш эненин таманында эмес эле, күйөөнүн таманында” деген сымал түшүнүктөрдү жазыптыр…

Кыргыз аялы качан күйөөнүн кулу, кызматчысы болуп калды эле деп заманам тегеренди…

Менин эле эмес, далай кыздын чоң эне, тайнелери эмнеге “оку” деп какшаганын себебин мен эми абдан түшүнүп жатат окшойм…


Эмнеге “ар бир адам өзгөчө” деп айтышат билесизби?

Билесиңерби, дүйнөдө канча адам бар болсо, ар бири, бир-бирине окшошпогон өзгөчө…

Адамдын мээсиндеги 100триллиондон ашык нейрондордун байланышы, ааламдагы атомдордун санынан дагы көп деген изилдөөлөр бар экен.

Мен бул нерсени жакында эле уктум…

Көрсө бир көтөрүп жүргөн башыбыздын ичиндеги мээ, кичинекей, дүйнө үчүн жөнөкөй чаңдан да кичинекей көрүнгөнү менен, бүтүндөй ааламды ичине батыра алгыдай кудуреттүү экен…

Жараткандын бизге берген эң чоң белеги - мээ экенин билбей, өзүбүздү ар кимге салыштырып, бирөөнүн жашоосуна, эмгегине суктанып жүрүп, колубуздагы эң чоң байлык, жашообузду, мээбизге керексиз ойдун баарын жүктөө менен өткөзүп жиберебиз…

Көрсө “ар бир адам өзгөчө” деген түшүнүк жөн эле ортого чыгып, эл оозунда алынып жүргөн эмес экен да…

Ар бир адамдын табигаты, ой жүгүртүүсү, эң негизгиси баарын башкарган мээси эч кимдикине окшобойт экен…

“Өзүмдү бирөөгө салыштырганды кантип токтотом” деген суроо мага окурмандардан аябай көп келет…

Менимче бул керексиз адаттан арылуунун эң негизги дарысы - өзүңдүн эч кимге окшобогон өзгөчө табигатың бар экенин кабыл алуу…

Мен ушул нерсени түшүнгөндөн кийин, өзүмдү чындап өзгөчө сезип, мындан ары элди эмес, жүрөгүмдү, кыялдарымды кубалап жашайын деп чечтим…

💌 окуп жаткан ар бириңерге кыска бир эскертүү болсун, ар бириңер өзгөчөсүңөр❤️

Жана төмөндө тартынбай, эч кимден уялбай, өзүңүздүн кайсы сапат, өнөрүңүз бар жазыңыз, балким, өзгөчө экениңизге ишенүү үчүн сонун башталгыч кадам болот 🫶

20 last posts shown.