🕊🕋 𝐀𝐌𝐀𝐍𝐀𝐓 𝐌𝐄𝐃𝐈𝐀 🕋🕊

🌹МИСВАКТЫН 10 ПАЙДАСЫ.🌹

🍀1. Аллах Таала ыраазы болот.
🌹2. Аллах жана периштелер аны жакшы көрөт.
🍀3. Шайтандын ачуусун келтирет.
🌹4. Оозду тазалайт.
🍀5. Тиштин сарысын кетирет.
🌹6. Зеенди күчөйтөт.
🍀7. Тиштин мүлкүн бекемдейт.
🌹8. Көздүн көрүүсүн күчөйтөт.
🍀9. Какырыкты кетирет.
🌹10. Ооздогу жаман жытты кетирет.

🌿ЭҢ НЕГИЗГИСИН УНУТПА...🌿

Жаш, окууну жаңы бүтүргөн бала атасына келип:
— Ата, уулуң үчүн кубана берсең болот. Мен университетке тапшырдым! Мен өз бактымды таптым! – дейт.
— Эң жакшы, уулум – дейт атасы – анан эмне кыласың?
— Беш жылдан кийин диплом алам да, сүйүктүү ишим менен алектенем.
— А андан кийин эмне кыласың?
— Катуу иштеп, мыкты адвокат болом.
— Андан кийин?..
— Андан кийин үйлөнүп–жайланып, үй-бүлө курам. Балдарыма татыктуу тарбия берип чоңойтом...
— Андан кийин эмне кыласың? – деп такый сурай берет атасы.
— Ардактуу эс алууга кетем, балдарымдын ийгилигине кубанып, алардын турмушта өз ордун табуусуна акыл айтып, жардам берем.
— Андан кийинчи?
— Андан кийинби?.. – уулу ойлонуп калат да, – андан кийин акка моюн сунабыз го... жашоодо түркүк болуп ким калмак эле...
— Андан кийин эмне болот, уулум, андан кийин эмне болот? – деп, үнү каргылдана акырын суроо узатат атасы. Уулу көпкө ойлонуп, ишенимсиз түрдө:
— Мен негизгисин унутуп калыптырмын, ата. Мен бул турмушта сизге ыраазымын! Мени эрезеге жеткирген, турмушта ордумду табууга жардам берген сизге ыракмат! Мен сизге ыраазымын! – деп атасын кучактайт.

Атанын балага калтырган эң жакшы мурасы – жакшы тарбиясы. (Хадис)
Ата сыйлаган абийир табат, эне сыйлаган элге жагат. (Макал)
Атың барда эл тааны, атаң барда жер тааны. (Макал)
Адам канчалык адилет болсо, адилетти ошончолук жакшы көрөт. (Цицерон)
Өз милдетин аткаруу кээде абдан кыйын болот, бирок аны аткарбай калуу андан да кыйын болот.( А. Дюма)
📚Турмуш сабактары китебинен

✨ НАМАЗ ✨

Бекерчидей өткөргөнсүйт күндөрүн,
Бели каткан, ийилгенин көрбөдүм.
Багымдатка тура албай көп жандар,
Балталады гүлдөп жаткан өмүрүн.

Жууркан жеңди көп адамдын түндөрүн,
Жумуш чайдан баштагансыйт күндөрүн.
Жаннат бакка киргиң келсе тууганым,
Жай намазды тоодой бийик көрбөгүн.

Пайгамбарым айткан нечен насаатын,
Карегиндей сактап жүргөн намазын.
Кайсалаңдап жүрө бербей эшекче,
Кайрыл тууган! Тургуз эми намазың.

Кудай дебей, окубасаң намазың,
Кордук көрмөй тартасыңда азабын.
Ирик-чирик дүйнөлөрдү ыргытып,
Ибадатта болсун эми максатың.

🌼 °СҮННӨТКӨ АМАЛ КЫЛУУНУН ЗАРЫЛЧЫЛЫГЫ° 🌼

✨📚Азирети Анас р.а. айтат :
"Ким менин сүннөтүмдү сүйсө (амал кылса) чындыгында ал мени сүйдү. Ал эми ким мени сүйгөн болсо, ал мени менен бейиште бирге болот"- деп Пайгамбарыбыз с.а.в. айткан.

✨📚Азирети Абу Саид Худри р.а.нун риваятында келген: Пайгамбарыбыз   с.а.в. айтты : "Ким адал тамак жесе, сүннөткө амал кылса жана адамдарга зыян жеткирбесе, ал бейишке кирет".

✨📚Азирети имам Маалик  р.а. айтат : "Саннөттүн мисалы, Нух пайгамбардын кемеси сыяктуу, ал кемеге түшкөндөр ийгиликке жетет, ал эми түшпөгөндөр сууга чөктү".

✨📚"Шарх Шуръатул Ислам" деген китепте Пайгамбарыбыз с.а.в. айткан : "Ким менин сүннөтүмдү сактаса,  аны Аллах Таала 4 нерсе менен сыйлайт:
🌱1. Такыба адамдардын жүрөгүнө анын сүйүүсүн салат.
🌱2. Күнөөкөр адамдардын жүрөгүнө анын сүрүн пайда кылат.
🌱3. Ырыскысын мол кылат.
🌱4. Динде жүрүүгө күч-кубат берет.

✨📚Шейх Абдулкодир Жийлани р.а. айтат : Пайгамбарыбыздын сөзүнө жана амалына эргешүү - бул бардык жакшылыктардын тамыры.

•┈┉••✾✾✾✾✾✾✾✾✾✾✾••┉┈•
🕊🕋 𝐀𝐌𝐀𝐍𝐀𝐓 𝐌𝐄𝐃𝐈𝐀 🕋🕊
•┈┉••✾✾✾✾✾✾✾✾✾✾✾••┉┈•