🚁 5 ҫулта санавиаци вертолечӗ Чӑваш Енри 396 ҫынна медицина учрежденине илсе ҫитернӗ.

Чылай чухне сывлӑш транспорчӗпе тӗп хулана инфаркт е инсульт аптратнисене леҫеҫҫӗ. Ҫавӑн пекех йывӑр аманнисене, пиҫсе кайнисене.

Республикипе 6 вертолет лаптӑкӗ йӗркеленӗ. Вӗсем Улатӑрта, Ҫӗмӗрлере, Канашра, Патӑрьелте, Етӗрнере, Шупашкарта вырнаҫнӑ.

Ытларах медицина транспорчӗ тӗп хуларан аякри Улатӑр тата Ҫӗмӗрле округӗсене вӗҫет.

Санитари авиацийӗ пирӗн республикӑра «Сывлӑх сыхлавӗ» наци проекчӗпе килӗшӳллӗн ӗҫлет.