Ички иштер министрлигинин маалыматы боюнча, 2024-жылдын 31-декабры жана жаңы жыл түнү республикада олуттуу укук бузуулар жана кылмыштар катталган жок.

Майрамдык иш-чаралар учурунда коомдук тартипти камсыздоо үчүн милиция күчөтүлгөн тартипте иштеди. Эл көп чогулган жайларда коопсуздук чаралары көрүлүп, милициянын посттору коюлду.

Жаңы жылды тосуу күндөрү 15 миңден ашык кызматкер коомдук коопсуздукту камсыздады. ИИМ майрамдарды тынч өткөрүүгө салым кошкон бардык жарандарга ыраазычылык билдирди.