2025-жылдын 5-мартынан тартып, Россияда полиция мигранттардын жашаган жайларына кирүүгө укуктуу болот. Бул чаралар миграциянын көзөмөлү алкагында, мыйзамсыз жүргөн же мыйзам бузган чет элдиктерге карата колдонулат.

Полицияга ошондой эле банктардан жана мамлекеттик органдардан мигранттардын каржы каражаттары тууралуу маалымат алуу укугу берилет. Мигранттардын мобилдик телефон даректери жана геолокациясын да текшерүүгө мүмкүнчүлүк болот.

Бул чаралар Россиядагы миграциялык режимди катаалдаштырууга багытталган. Мигранттарга каршы кабыл алынган чаралар көптөгөн кыргызстандыктарга таасирин тийгизиши мүмкүн, анткени Россияда иштеп жүргөн кыргыздар көп. Аларга жаңы талаптар жана чектөөлөргө ылайык, өлкөдө болуу шарттарын так кармоо сунушталууда.