Таарыныч – бул биздин ички эмоциябыз, ал башка адамдардан күткөн нерсебиз менен чындыктын дал келбегенинде пайда болот. Кыскача айтканда, таарыныч биздин ишеничибиз жана үмүтүбүз акталбаганда жаралат.

Кайдан келип чыгат?
1. Күтүүлөр – Биз кимдир-бирөөдөн жылуу сөз, түшүнүү же жардам күтөбүз, бирок ал башкача аракет кылганда, көңүл ооруйт.
2. Балалык тажрыйба – Бала кезден калган окуялар. Мисалы, ата-энеңдин сени мактабаган учурлары чоңойгондо башка адамдарга да таарынууга себеп болушу мүмкүн.
3. Ой жүгүртүү – Айрым учурда биз окуяларды өзүбүз “кыйратып” жиберебиз, башкалардын аракетин туура эмес чечмелейбиз.
4. Баарлашуунун жоктугу – Адамдар ойлорун же сезимдерин ачык айтпаганда, таарынычка орун калат. “Мен сени түшүнөт болуш керек” деген ой жаңылыш болот.

Таарынычтан кантип арылса болот?
• Өзүңдү жана сезимдериңди түшүнүүгө аракет кыл. “Мен эмне үчүн таарынып жатам?” деп суроо бер.
• Өзүңдүн күтүүлөрүңдү байка. Балким, сен башкадан өтө көптү талап кылып жатасыңдыр?
• Түз сүйлөш. Жөн гана чын жүрөктөн айт: “Мен сенден муну күткөм, бирок башкача болду”.
• Кечиримдүүлүктү үйрөн. Кечирүү – бул башканы эмес, өзүңдү жеңилдетүү.

Эсиңде болсун: таарыныч – бул ички абалыбыз, аны сырттан кимдир бирөө “салып” бербейт. Ал өзүбүздүн мамилебиздин натыйжасы.