У ийым – у пачерыште 🔑

Марий Элыште тулык йоча-шамычлан илыме веран лияш тений 627 млн наре теҥгем ойырымо. Кызытеш 267 пачер шотышто контрактым ыштыме.

17 декабрьыште Марий Элым Вуйлатыше Ю.Зайцев Оршанке районыш паша дене миен коштын. Тушто тулык, ача-ава ончымо деч посна кодшо 15 ӱдыр-рвезылан у илыме вер деч сравочым кучыктен. Посёлкысо Советский уремыште у пӧртыштӧ пачер-влакын акышт – 32,8 млн наре теҥге.

📸Марий Элым Вуйлатышын пресс-службыжын пуымо фотожо.