Кээде туруп ызалыктан өлгүм келсе,
Кээ учурда бирөөлөрдү көмгүм келет.
Кээ кездерде тирүүлүк ысык болуп,
Кээ кездерде дүнүйө тарып кетет.

Сыноо деп бул жарыкты берген экен,
Сыйына кимдер тоюп, кимдер жеткен.
Тирүүлүк кумар тура адам үчүн,
Кана албай далай инсан өксүп кеткен.

Сөөгү морт, эти жумшак адам уулу,
Кээсине бакыт болсо кээси муңдуу.
Бирине кара курсак топук болуп,
Айрымдарга бул дүнүйө жылан уулуу.

✍️ Нурбек Саяк