Nozima HABIBULLAYEVA

#tavsiya

Har bir ijodkorning o‘z dinamik bosqichlari bor. Bu jarayonning bir xil kechishi ayni rangdan zerikishga olib keladi. Film borasida Musoqov bunga yo‘l qo‘ymaydi. Uning kinolari tomoshabinlar didi kabi turli. Tomoshabin o‘laroq rejissyorning filmlariga muxlisman. Ammo bir necha yillar oralig‘idagi baʼzilarining tempi yuragim bilan hamohanglashmagan edi. Buni tabiiy deb qabul qilaman albatta. Chunki, boshdan o‘tgan tabib... Kichkina tabib 😊

Xullas, bugun "Umida. Fudziyama haqida tush" ning premyerasiga tushdim. Syomka jarayonlarida "Ninachi qanotlari uchun kuy" edi ishchi nomi. Shuni o‘ziyoq ohangrabodek tortgandi o‘ziga. Bejizgamasakan. Xarakterlardagi ayrim bo‘rttirishlarni sal ensaga tegishini aytmasa umumiy taassurot yoqimli.
Judayam ko‘p taqdirning tuguni qo‘lingizda turganday his qilasiz o‘zingizni.(odatda bir necha tugun bilan boshlanadi asar formulasi, bunda boshdan oyoq tugunlar Fudziyamasi qurilgan)
Uni yechib borish uchun leytmotiv bor va unga marjonday terilib borasiz nigohingiz,yuragingiz bilan. So‘nggida o‘sha cho‘qqini zabt etgan alpinistday yengil tortasiz,o‘pkangiz achishadi. Olamshumul g‘oyalarni daʼvo qilmaydi film. Shunchaki cho‘qqingizdan turib, qo‘lingizni peshonaga qo‘yib termulasiz: Olam shumi? Bir epkin esarkan qitiqlangan hislaringiz bilan yolg‘iz qolganingizni bilib qolasiz. Bor yo‘g‘i shu.

Aktyorlar tarkibi pishiq. Epizod,detallar ham behuda sarflanmagan. Buyog‘i Chexovning gapi. Ishqilib Zulfiqor Musoqovning imzosi bu filmida go‘zal yozilmish. Yangi ijod namunasi tomoshabinlarga muborak bo‘lsin!

@Nozima_Habibullayeva

Фёдор Достоевский, «Ер остидан мактублар»:

– Агар қизим бўлса, уни ўғилларимдан кўпроқ севсам керак.
– Нега?
– Билмасам, ўзим шунчаки, Лиза. Битта одамни танирдим. Турқидан от ҳуркадиган қўрс одам эди. Бироқ қизининг олдида мутлақо бошқа одамга айланар, уни эркалаб-эркалаб сира тўймасди. Қизи балда рақс тушганида беш соат бир ерда қимирламай, ҳатто кўзини пирпиратмай, ихлос билан томоша қиларди. Шунчалик яхши кўрарди қизини. Қизи чарчаб ухлаб қолар, бедор ота эса унга термулиб ўтирарди. Ўзи кир-чир кийинар, бировга бир томчи томизмас, қизидан эса сўнги чақасини ҳам аямас, қимматбаҳо совғалар олар, совғаси қизига ёқса бахтдан еттинчи осмонга учарди. Оталар қизларини доим оналардан кўра кўпроқ яхши кўришади. Баъзи қизлар ота уйда қироличадай яшашади. Менимча, қизим бўлса уни эрга бермасдим.
– Қанақасига?
– Қизғанаман-да ахир, ўлай агар. Бегона эркакни қандай ўпади, қандай қилиб уни ўз отасидан кўпроқ севади? Буни ўйлашнинг ўзиёқ даҳшат. Биламан, валдираяпман, билохир ҳамма кўникади. Лекин менга шундай туюладики, уни эрга бергунча ўзимни хароб қиламан, номзодларни бирма-бир чиқитга чиқараман. Охирида ўзи севган одамга бераман. Аммо қиз севган йигит доим отанинг наздида талабгорларнинг энг номақбули бўлиб кўринади. Ҳа, ҳар доим шунақа бўлади. Кўп оилада шунинг устида келишмовчилик чиқади.
– Қизларини ҳурмат-иззатда узатиш нари турсин, сотишга ҳам рози оилалар қанча.
– Севги нималигини билмайдиган бадбахт оилаларда шунақа бўлади. Севги йўқ жойда ақл ҳам бўлмайди.

_____

@Nozima_Habibullayeva