Кулун тутар 25 уонна 26 күннэригэр анал байыаннай дьайыыга сылдьыбыт куоракка пропискалаах байыастарга уочараттаах сир учаастагын түҥэтии буолбутун Сир сыһыаннаһыыларыгар Ааҕыныстыба иһитиннэрэр. Ааспыкка курдук, Тулагы Киллэмҥэ эбэтэр Табаҕа бөһүөлэгин таһыгар СВО кыттыылаахтарыгар анаммыт сиртэн сэрэбиэй быһыытынан талан ылбыттар. Сүүс киһиэхэ ыҥырыы ыыппыттарыгар 94 сайабылыанньалаах кэлэн барбыт. Ол түмүгэр 34 киһи — Табаҕа, 59 киһи — Тулагы Киллэм сиригэр учаастак ылар буолбут. Аныгыскы талыы хаһан буоларын биллэриэхпит диэбиттэр. Социальнай боппуруостарга отдел нүөмэрэ 40-80-46. Итиннэ эрийэн ыйыталаһыахха сөп.