Биэнсийэҕэ тахсарбар ноутбук бэлэхтээбиттэрэ

Бүгүн "Тэтим" араадьыйа "Эрдэһиттэр" биэриитигэр Тааттаттан биир кырдьаҕас кытынна. Сүрдээх кэскиллээх үлэтин кэпсээтэ – нэһилиэгин топонимнарын мунньан, каартаҕа баайан, дьон билиитигэр туһаҕа таһаарар эбит.

Үс каарта оҥорбут. Онно олугунан 1927 сыллаахха ыытыллыбыт биэрэпис буолбут. Ол биэрэпискэ ханнык ыал ханнык ааттаах сиргэ олорбута ыйыллыбыт (санаттахха ити холкуостааһын, бөдөҥсүтүү иннинээҕи кэм). Үһүс каартата, холобур, нэһилиэк фронтовиктара ханнык алаастан сэриигэ барбыттарын көрдөрөр эбит. Ол каарталара, ону таһынан, нэһилиэк биллэр-көстөр дьоно – ойууттар, баайдар, олоҥхоһуттар, уустар иҥин – ханна олорбуттарын эмиэ көрдөрөр эбит.

Ол эрээри, биһиги сэргээбит түгэммит манна арыый атын.
Кырдьаҕас биир кэрэхсэбиллээх түгэни эттэ: оҕолоро кини биэнсийэҕэ тахсарыгар ноутбук бэлэхтээбиттэр уонна төрүччү оҥоруутунан дьарыктанарыгар уонна олоҕун, дьонун туһунан ахтыы суруйарыгар көрдөспүттэр.

Хайдахтаах курдук кэскиллээх суолу арыйан биэрбиттэрий, бу киһиэхэ оҕолоро?!
📌  Биики Халандаар | Сурут