❗️"Яндекс.Такси Корп" ЖЧКсынын жана өнөктөштөрүнүн кеңселери тинтилди

УКМКнын маалыматына ылайык, буга чейин аталган компания менен анын өнөктөштөрүнө Монополияга каршы жөнгө салуу кызматы бир катар чараларды көргөн.

"Бирок компания ага карабай такси айдаган айдоочуларга пайыздык чендерди негизсиз жогорулаткан. Мындан улам такси кызматынын баасы да жасалма көтөрүлгөн", — деди атайын кызмат.

Учурда аталган мыйзамсыз аракеттерге катыштыгы бар адамдарды аныктоо боюнча иштер жүрүп жатат.