Мустақиллигимизнинг 33 йиллиги муборак бўлсин!
Халқ денг,
Маърифатнинг қўрини очинг,
Ҳар йўлда илмнинг нурини сочинг,
Ҳарна илм истамас сўқирдан қочинг,
Уйғонинг жадидлар, уйғонинг!
Бир бўлсак бир халқмиз,
Бирлашсак Ватан,
Ҳар кўнгил ичида зиё дафъатан,
Айт, дўстим, урфонни топгайсан қайдан,
Уйғонинг жадидлар, уйғонинг!
Бугун юртим узра илмдир офтоб,
Фарзандинг қўлида порлаган китоб,
Юрагим тубида шу ўтли хитоб,
Уйғонинг жадидлар, уйғонинг!
Фитратинг, Чўлпонинг, Усмонинг қайтар,
Беҳбудий энг гўзал сўзларин айтар,
Авлоний қалбларга зиёлар битар,
Уйғонинг жадидлар, уйғонинг!
Бир толе истасам боламда кўрдим,
Унинг иқболини оламда кўрдим,
Бахт десам, бахтимни шу дамда кўрдим,
Уйғонинг жадидлар, уйғонинг!
Бунча жумбоқларинг кўпдир эй, Воҳид,
Энг ёрқин юлдузлар кетди-ку, шаҳид,
Уларга ер гувоҳ, туфроқдир шоҳид,
Уйғонинг жадидлар, уйғонинг!
Нажмиддин Кубролар қайта туғилар,
Синолар ўлимнинг давосин айтар,
Қабоҳат, разолат мангуга кетар,
Уйғонинг жадидлар, уйғонинг!
Фарзандлар камоли етди самога,
Илму урфонларинг сиғмас маъвога,
Энди тафаккурни солиб навога,
Уйғонинг жадидлар, уйғонинг!
Умида АЪЗАM
@Umida_AZAM
Халқ денг,
Маърифатнинг қўрини очинг,
Ҳар йўлда илмнинг нурини сочинг,
Ҳарна илм истамас сўқирдан қочинг,
Уйғонинг жадидлар, уйғонинг!
Бир бўлсак бир халқмиз,
Бирлашсак Ватан,
Ҳар кўнгил ичида зиё дафъатан,
Айт, дўстим, урфонни топгайсан қайдан,
Уйғонинг жадидлар, уйғонинг!
Бугун юртим узра илмдир офтоб,
Фарзандинг қўлида порлаган китоб,
Юрагим тубида шу ўтли хитоб,
Уйғонинг жадидлар, уйғонинг!
Фитратинг, Чўлпонинг, Усмонинг қайтар,
Беҳбудий энг гўзал сўзларин айтар,
Авлоний қалбларга зиёлар битар,
Уйғонинг жадидлар, уйғонинг!
Бир толе истасам боламда кўрдим,
Унинг иқболини оламда кўрдим,
Бахт десам, бахтимни шу дамда кўрдим,
Уйғонинг жадидлар, уйғонинг!
Бунча жумбоқларинг кўпдир эй, Воҳид,
Энг ёрқин юлдузлар кетди-ку, шаҳид,
Уларга ер гувоҳ, туфроқдир шоҳид,
Уйғонинг жадидлар, уйғонинг!
Нажмиддин Кубролар қайта туғилар,
Синолар ўлимнинг давосин айтар,
Қабоҳат, разолат мангуга кетар,
Уйғонинг жадидлар, уйғонинг!
Фарзандлар камоли етди самога,
Илму урфонларинг сиғмас маъвога,
Энди тафаккурни солиб навога,
Уйғонинг жадидлар, уйғонинг!
Умида АЪЗАM
@Umida_AZAM