Келин деген.
⠀
Келин деген эрке кызы бир үйдүн.
Эже, сиңди, карындашы бирөөнүн.
Эркек болсоң кадырлагын, сыйлагын.
Капа кылба, оорутпагын көңүлүн.
⠀
Келин деген Аллах кошкон түгөйүң.
Үй бүлөсүн таштап келген сен үчүн.
Ыйлатпастан ардактагын, бактылуу кыл.
Ый аралаш өткөрбөгүн күндөрүн.
⠀
Келин деген Жараткандын белеги.
Бул жашоодо күн нурундай желеси.
Орой болбой, жылуу-жумшак сүйлөгүн.
Насип кылса уул-кызыңдын энеси.
⠀
Келин деген бакытың да таалайың.
Эч убакта кыянаттык кылбагын.
Акылыңа бекем түйүп, билип жүргүн.
Жаратканым санап турат аккан жашын.
⠀
Келин деген бажырайган назик гүлдөй.
Айланага нурун чачкан жарык күндөй.
Көңүл буруп аздектесең даайыма.
Чилдеде да соолубастан турат гүлдөй.



https://t.me/ilimordosu