31-декабрдан 1-январга чейин Кыргызстанда 322 бала жарык дүйнөгө келди: 170 эркек бала жана 152 кыз. Бул аралыкта 56 кесарево операциясы жасалып, көп түйүлдүктүү төрөт катталган жок.

Алгачкы төрөт түнкү саат 00:01де Бишкектеги Перинаталдык борбордо болуп, 3 100 граммдык эркек бала төрөлдү. Ошол эле учурда Ысык-Атада кыз, 00:02де Кара-Сууда 3 735 граммдык эркек бала жарык дүйнөгө келди.

Бишкектеги №2 Перинаталдык борбордо 11 эркек жана 11 кыз төрөлүп, гендердик теңдик байкалды. Жаңы жыл тынч өтүп, энелерге жана ымыркайларга зарыл болгон жардам көрсөтүлдү.