Муан аэропортундагы авиакырсыктан Түштүк Кореянын тургуну үй-бүлөсүнүн 12 мүчөсүн жана 5 досун жоготту.

Ал туристтик сапарда жүргөндө иш себептери менен башка жакка кетүүгө аргасыз болгон. Кырсык тууралуу угары менен ал ДНК-тест тапшырып, жакындарын издөө үчүн Түштүк Кореяга кайтып келген.

Кырсыкта 179 адам каза таап, экипаждын эки мүчөсү гана аман калган. Түштүк Корея бул окуяны тарыхындагы эң чоң авиациялык трагедия деп атап, 7 күндүк аза күтүү жарыялады.