– Чынжымак, У ий – вучымо, юзо шӱлышан, ӱшаным пӧлеклыше пайрем. Пӧртым утыжым огына сӧрастаре. Мемнан шонымаште, тӱҥжӧ – чонышто пайрем, куан, ласкалык озаланышт. Родо-тукымлан ойыртемалтше, кӱлешан пӧлекым ончылгоч налын ямдылена. А 31 декабрьыште лишыл еҥнан шочмо кечыже, кастене жапым тушто эртарена. Садлан мӧҥгыштӧ утыжым огына ямдыле. Изирак тортым, фруктым, пакчасаскам налына, йӧратыме салатым ыштена да чыла.
Лӱмын У ийлан тувырым ом нал. Тӱрлӧ йӱлалан ӱшаныше омыл. Но шушаш ийын, икшывына кушкын шумеке, У ийым утларак пайремлын эртараш шонена.