Автор Абыльпата Адылбеков.
Жүрөктөгү айымым.

Максатыбыз бирикпестен башкабыз,
Тагдыр экен айткан сөздөн кайтканбыз.
Бийлеп алып сезимимдин ордосун,
Ошонтсе да элдешпеген жактабыз.

Канча жолу куса болдум сени эңсеп,
Өтсө деле кайтып кокус келет деп.
Үзүлбөгөн элестериң дем берген,
Кокусунан кайра үланып кетет деп.

Бөтөндүктүн ачуу даамын татканбыз,
Бөлөк болуп, башка турмуш тартканбыз,
Эмнегедир жүрөк мыкчып кетирбей,
Эңсей берет ойлорумдан четтетпей.

Эмне үчүн бул илдетке кабылдым,
Сүйгөндөбү ак сүйүүдө айыбым.
Кечирип кой менден кетсе каталык,
Жетпей калган жүрөктөгү айымым.

Автор:

Абыльпата Адылбеков.