#Жыпар_ИСАБАЕВА

*  *  *

Мен күздө бакыт таптым бапыраган,
Мен күткөн, мен ишенген жакын адам.
Кучагы толо сүйүү, гүл көтөрүп,
Дүйнөмө кирип келди шашып анан…

Мен күздө сүйүү таптым мелмилдеген,
Дүйнөңдүн падышасы менмин деген.
Жүрөктү кубантууга асмандан нур,
Ак жарык үзүп алып келдим... деген.

Мен күздө сүйүү таптым бактылуумун!
Жөнү бар - алып учуп аптыгуумун.
Жанымды коерго жер таппай турам,
Жалыны кандай ысык - жактыруунун!..