20дан ашык депутат ээрден шыпырылган Жогорку Кеңештин 7-чакырылышы 2024-жылды кандай аяктады?

Узап бара жаткан 2024-жыл ичинде Жогорку Кеңеш аткаруу бийлиги тарабынан сунушталган 225 мыйзам долбоорунун 157 син колдоп берди. Алардын арасында талаш-талкуу жараткан бир катар мыйзам долбоорлору да бар. Жетинчи чакылыштын депутаттары кандай ишегенине карабай учурдагы парламент бийликке көз каранды деген сын-пикирлерден арыла албай келет. Андан сырткары бул чакырылышта мандатын өз эрки менен тапшырган эл өкүлдөрүнүн көптүгү менен да элдин эсинде калаары ачуу чындык. Алсак жалпысынан 21 депутат ар кандай жагдайда мандатын тапшырууга мажбур болгон.