Бул жылы Камчыбек Ташиев чек ара кызматындагы абалга да тыкыр киришип, мекен чегин коргоп жаткан жоокерлердин шартын жакшыртууда. Баткен, Ысык-Көл облустарындагы заставларды жаңылап,учурда Ош, Жалал-Абаддагы аскер бөлүктөрүндө жүрүп жаткан иштерди жеринде өзү текшерүүдө. Жада калса жоокерлерге берилип жаткан тамак-аштын сапатын да өз көзү менен көрүп, сактоочу жайларды түрө кыдырып чыгууда. Иш менен катар барган жеринде жоокерлер менен жакындан баарлашып, алар менен кошо обон созо ырдаган учурлары да болду.