❗️2025-жылдан тарта “Ала-Арча” жаратылыш паркына жеке автоунааларды киргизүүгө тыюу салынат. Бул тууралуу президенттин иш башкаруучусу Каныбек Туманбаев билдирди.

Анын айтымында, келерки жылы 2 миң орундук унаа токтотуучу жай курулмакчы. Мындан тышкары, экологиялык мейманканалар, жаңы эс алуу үйлөрү дагы салынат. Эң кызыгы – туристтерди тоого чыгарчу асма жол курулары айтылды.

Туманбаев быйыл киргизилген санарип системасынан улам “Ала-Арча” жаратылыш паркынын кирешеси 4 эсе көбөйүп, 230 млн сомду түзгөнүн кошумчалады.