Кыргыз Поэзиясы

@kg_adabiyat

Channel's geo and language: Kyrgyzstan, Kyrgyz

Category: Other

Кыргыз акындарынын мыкты ырларынан.
Күнүнө бир ырдан сунушталат.

Related channels | Similar channels

Channel's geo and language

Kyrgyzstan, Kyrgyz

Кыргыз Поэзиясы

19 Apr, 09:02

#Аман_ТОКТОГУЛОВ

* * *
Тирүү жан жаңылышат
Кээде бир ойго келбес ишти жасайт.
Кызарып уят болот эл алдында
Өкүнөт, ичтен күйөт, түкүрүнөт
А түгүл галстукчан бир кызматкер
Мас болуп, милицияга түшүп калып
Күбөлүгүн көрсөтүп жанталашып,
Анысын эч ким карап койбогон соң
Уңулдап ыйлап ийген башын салып.
Эми көрсөң анысы эсинде жок
Салам айтсаң зоргодон алик алып…
Боло берет турмушта. Кеп анда эмес,
Бирок да отуз жаштан өткөн кезде
Бирөөнүн бийлигинен жапырылуу
Кез келип турган жерде күң-мыңк этип
Керектүү сөздү өлтүрүп, айтпай коюу,
Анан да алсыздардын арасында
Эсепсиз, мыктысынып сүйлөп туруу
Араак барып жылжытып ушак айтып,
Катындарча бежиреп сөз таратуу
Аялдардан талашып өчүрөттү
Ажылдап пастык кылуу
Жөндөп ачып бере албай шампанды да
түркөйлүктү көрсөтүп жан кашайтуу
Анан да киши өңдөнүп чачты сылап
Акылдуудай
Салабаттуудай
жүргөн болуу –
О, кандай жинге тиет!

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

51 0 1 1 3

Кыргыз Поэзиясы

18 Apr, 09:01

#Назгүл_ОСМОНОВА

* * *
Каректин жашы мөлтүрөп,
Жүзүңдөн ылдый тамчылайт.
Жүрөктүн ыйын ким угуп,
Жаштары кайда тамчылайт?

Онтобой сызып ичиңден,
Ооруса дилиң карарып.
Эсиңде болсун ар качан,
Атары таңдын агарып.

Күтөрүн билгин махабат,
Келаткан ошол айларда.
Жанынан чыкпай айланып,
Бир гана жанга байланба.

Капалык курчап жан-жагың,
Карарган күнгө туш болуп.
Турганда билгин учканды,
Апакай канат куш болуп.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

100 0 1 4

Кыргыз Поэзиясы

17 Apr, 09:02

#Нурболот_АЗАМАТ

* * *
Адам өлдү.
Бир жан дүйнө соолуду,
А калгандар не...
Калгандар не?
Алакандай эскерүү пост жазышат,
Зыйнатыңа араң убакыт табышат.
Шапа-шупа жерге дароо көмүшөт,
Шаша-буша устукан эт бөлүшөт.
Сөз арасы сени эстеп коюшат ,
Анан кайра тема: футбол, саясат .
Ал эле эмес азил айтып тарашат,
Ой тилегиң ,чечимдериң, максатың.
Өмүр бою жасайм деген жакшы атың,
Коштошордо футболчолук сөз болбойт.
Анда неге "эл не дейт" деп жашадың.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

130 0 2 3

Кыргыз Поэзиясы

16 Apr, 09:02

#Кемел_БЕЛЕК

ӨТҮНҮЧ

Чарк айланып ырларымда бийлейсиң,
Бийлесең да жан сырымды билбейсиң,
Алда, менин акжолтоюм күйдүргүм:
"түбөлүккө мени жазып жүр" дейсиң.
Билем дечи, мага арналуу ак дилиң,
Төгүлгөн ыр сенин ар бир кирпигиң,
Орун берчи, кайрылайын бир азга
Досторума!
Санаалашка!
Таанышка!

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

156 0 1 3

Кыргыз Поэзиясы

15 Apr, 09:02

#Акматжан_КАДЫРАЛИЕВ

* * *
Чууруп түшүп салааларыман,
Турмуш тузу ачуу салынган.
Кыялымдын чырт этмесинен,
Багытыман катуу жаңылгам.
Чыкпай кыйнайт бары эсимен.

Балким менин тилим ачуудур,
Ошол себеп бакыт качып тур.
Жамгыр болуп төгүлгөн кезде,
Уучтай албай алаканым кур.
Уу сыйпалып сайылган безге.

Кызганычтан ичим тарыган,
Кулагамын сынган шагыңан.
Кыйкым издеп кырылышканда,
Аңдабастан катуу жарылгам.
Баары мени чанып учканда.

Түртүп салып, зордоп жаныман,
Сызылганмын сендик сабыңан.
Карегимде толкун… ачуу жаш,
Басып келет куса… сагынган.
Өзүм салган жолум бар эле,
Өзүм үчүн толук жабылган.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

182 0 0 2

Кыргыз Поэзиясы

14 Apr, 09:01

#Элмира_АЖЫКАНОВА

* * *
Конушубуз – ак сүйүүнүн аралы,
Козгобойбуз жүрөктөгү жараны.
Жылдар өттү көзүм жолго чачырап
Актай калып өмүрдүн көп барагы.

Бары-жогуң, жалган-чының билинбей,
Закым болдуң карегиме илинбей.
Мен да сага агып келе берипмин
Мелтиреген дайрадагы иримдей.

Мерез кечтер карегимди талыткан,
Мен кусадан акырындап айыккам.
Келдиң анан ак жаанга аралаш
Келдиң мага өтмө катар кайыптан.

Табышканбыз чагылгандуу күнү биз,
Тагдыр болуп бирибизге бирибиз.
Жамгыр биздин ырыбыз да, ыйыбыз
Жамгыр биздин шыбырашкан үнүбүз.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

193 0 1 1 6

Кыргыз Поэзиясы

13 Apr, 09:01

#Максуда_ОРМОНОВА

КӨҢҮЛГӨ КӨЙНӨК

Байларды көрдүм байыган сайын кейиген,
Бармагын кимдин… батпаган өтүк өйүгөн?..
Басылбай жааган жамгырда узун-узун күү,
Баяны күүнүн: "Момундук жумшак пейилден".
"Багбандын бийин" булуттар сүйүп бийлешет,
Бариктер учат... чарчабайт алар сейилден!..

Уйгактын гүлүн гүл деп да болбос – жабышкак,
Уйкусуз түнүм уйкучу жанга табышмак!..
Үзүлгөн кылда сызылган ойдун канаты,
Уланаар бекен… табыпка берсем табыштап?..
Уялдым сенден!.. Улама кебин көп уккам!..
Улгайбай улуу болупсуң төрдө… чалыштап!..

Көмүрдүн табын сынаса кыркы чилденин,
Көпөстүн сугу – мыйзамсыз жасайт билгенин!..
Көйрөңдү тыйраң керекке зарыл дос тутуп,
Кошомат кылып, көрдүңбү… маарап ийгенин!..
Караңгы түндө жоголгон ийне… балалайт!..
Колумда түйдөк... учугун издейм дүйнөнүн!..

(Саймасы оңбос көңүлгө көйнөк тикким бар,
Сага да жагаар... үлгүсүн өзүм чийгемин!..)

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

203 0 0 1 2

Кыргыз Поэзиясы

12 Apr, 09:02

#Жыргалбек_КАСАБОЛОТОВ

ҮЧ КАЛАА

(Толук Бек Байзакка)

Тузун татсаң тузак болуп байлаган,
Турмуш өзү тыным албай кайнаган,
Сепилинде Москванын зеригип
Сен деңизди сагындыңбы кайрадан?

Көкөйүңө тийгичекти кыш болгон,
Көпчүлүккө метросу жыш толгон,
Көрүп коюп жатсаң керек айнектен
Көчөлөрүн көк жылгаяк муз тоңгон.

Бизде болсо баягы эле көрүнүш,
Бишкек жатат, калыбында көнүмүш.
Терезеде тоону тоскон көп үйлөр
ТЭЦтен чыккан түтүн тургай көңүл ыш.

Айрый албай караларын агынан,
Арыла албай жүрөктөгү тагыман
Эжем, байкем тирүү кези элестеп
Эмнегедир Стамбулду сагынам.

Бирде турмуш деңиз болуп термеди,
Бирде көңүл көккө канат сермеди.
Биз таба элек бир чындыктын учугу
Биз бара элек табышмактуу жердеби?

Ай, ким билет... Кимдер кандай түшүндү?
Аңгыратат түркүн ойлор ичимди.
Алыс-жакын айрымасы калбастан
Азыркынын кең дүйнөсү кичирди.

Толкун жиреп толгон-токой кемеси,
Торго түшүп жер шарынын денеси,
Мөңгүлөрдүн эригенин көргөндө
Мөлт дей түшөт эски күндүн элеси.

Агуудабыз ар кай жакка чачырап,
Андагыдан мезгил учат батыраак.
Өтөй турган милдет улам көбүрөөк,
Өмүр болсо жартысынан азыраак.

Алды жакта күтөт кайра деңизиң.
Азырынча арсар менин келишим.
Барып калсаң, салам айтып Бишкектен
Балыктарга жем берип кой мен үчүн.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

211 0 0 4

Кыргыз Поэзиясы

12 Apr, 09:02

191 0 0

Кыргыз Поэзиясы

11 Apr, 09:02

#Толук_Бек_БАЙЗАК

* * *
Деңиз, деңиз, мелмилдеген, чалкыган,
алып учтуң жүрөгүмдү балкыган.
Жан сыгылып чыдай албай кеткенде,
ар убакта өзүң көздөй талпынам.

Талпынам да шамал сымал айдаган,
толкун болуп толкунуңа айланам.
Чардагыңды, балыгыңды тыңшаймын,
мен өзүмө келгичекти кайрадан.

Деңиз, деңиз, мелмилдеген сан кылым,
мен да сендей толкуп таштым чалкыдым.
Далай жолу аскаларга урунуп,
далай жолу бу жашоодо жалкыдым.

Сага барып апат кылдым жылдарды.
Сага барып азат кылдым ырларды.
Сенде көрдүм тереңдикти, закымды.
Сенден алдым толкунданып турганды.

Жан дүйнөмдү жаш баладай термеген,
бакыт даамын таттым далай сен менен,
эч ким билбейт деңиздигин деңиздин
бир да жолу деңиз болуп көрбөгөн.

Деңиз, деңиз, каным дагы деңиздей,
жаным дагы жуурулушкан эгиздей,
толкундардын күүсү турса жүрөктө,
мына ошондо телегейим тегиздей.
Деңиз, деңиз, жаным менин деңиздей.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

243 0 1 5

Кыргыз Поэзиясы

10 Apr, 09:01

#Чынара_САРБАГЫШЕВА

КАРКЫРАЛАР

Каркыралар бузбай учат саптарын,
Каркырадай мен да узак жактамын.
Тиктеп турам, терезеден үңүлүп,
Деңиз түстүү, ушул жердин асманын.

Каркыралар, канаттарың талбасын,
Учат алар; "жылуу өлкө, кайдасың?".
А мен кышын кыргызымдын сагынып,
Канатым жок, таппай жүрөм айласын.

Каркыралар аман-эсен кайтышсын,
Барган жерге, менден салам айтышсын.
Пенде гана баркын билбейт өңдөнөт,
Кудай берген, жаратылыш, жай-кыштын.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

237 0 1 4

Кыргыз Поэзиясы

9 Apr, 09:07

#Кожогелди_КУЛТЕГИН

СОО КАЛААР ЭЧ КИМ ЖОКТОЙ...

Соо калаар эч ким жоктой дагы барып,
соодалайт ээсин – буюм жайып алып.
Сооротоор узун-кыска сөз улоодо
сол көздөр оң көздөрдөн салык алып.

Таптыңар не шумдукту дагы кандай –
дарыя барат агып наалыгандай.
Кудайым берген жүзүн жашырган көп –
кудасы кудагыйын тааный албай.

Ачылып баратканда кайта жиги,
ашыгып бүтөп турчу калка кими?
Өзүн бүт чөнтөгүнө салган бойдон
өкүмөт тарапта жүр канча бири.

Издемей тоо-талааны, түздү кошуп,
биз демей күркүрөгөн күздү кошуп.
Башкача тагдыр күтүп калбас бекен
баарысы үч саат оошуп, үч күн оошуп.

Сезилмек жан дүйнөгө өсүш деген,
сенектик сунаар тагдыр – өчүш белем.
Баарыңы дем чыгартпай, дым чыгартпай –
баса бир олтурмак ким көчүк менен?

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

267 0 0 3

Кыргыз Поэзиясы

8 Apr, 09:01

#Рахат_ЖУМАНАЗАРОВА

КӨҢҮЛ ЧӨККӨНДӨ

Көкүрөккө жөлөп бүгүн башыңды,
Көөдөндөгү боштугумду толтурчу.
Көп сөз уктум көңүлүмдү чөгөргөн
Кетпей бүгүн мени менен олтурчу.

Кетпе бүгүн кечиришээр бир күнгө,
Кейип турам жетпөөчүдөй күүгүмгө.
“Жакшы калдан” жадап бүтүп жандүйнөм
Жетпей турам “кетпейм” деген бир үнгө.

Жараткандан башкага жалынбаган,
Жарга такап турса да жагынбаган.
Жан элем, бирок бүгүн бошоп турам
Калчы деги көп сөз бар айтылбаган.

Бүгүн сен калып калчы мени менен
Бүшүркөп турам жылыт демиң менен.
Сезейин ким бирөөгө керектигим
Сен бүгүн калып калчы мени менен.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

260 0 2 1 4

Кыргыз Поэзиясы

7 Apr, 09:00

#Бурулкан_КАРАГУЛОВА

* * *
Кийимдин түрүн тандап кийип албай,
Артынан бир шүмшүктү сүйүп калбай.
Алыста шорум катып жүргүчөктү,
Кошунанын уулуна эле тийип албай.

Таманым так-тук этет така менен,
Көйнөгүм көркү чыгат жака менен.
Көкүрүк көктү тилеп баратса да,
Ээрчишип баратамын бака менен.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

272 0 2 6

Кыргыз Поэзиясы

6 Apr, 09:02

#Бектуруш_САЛГАМАНИ

ТАКА

Илим КУРМУШУЕВге арналат.

...Калаадагы кош кабат көркөм үйдүн,
кадаптыр ат такасын дубалына.
Ал бир эски така экен. Көпкө турдум,
ат дүбүртү жаңырып кулагыма.

Көз алдымда чоң жолдон чаң буркурап,
— Улак чабам! – деп атам күлдү мага.
...Улак чабыш. Сүрөгөн эл чуркурап,
керебеттей солкулдайт гүлдүү талаа.

Такымына торпокту басып атам,
түптүз салды паттага* бир бурулбай.
Ушул ызы-чуулуу шаар дымып анан,
унаалардын дабышы турду угулбай.

Булут өпкөн аскалар карайт талып,
боюн созуп тиктешет тал-теректер.
Сааган сүттөй айдыңга жатат тамып,
сансыз аттын боюнда кайнаган тер.

Аттын тери жыттанып бүткүл калаа,
алаңдайм да кыялбай бу таканы,
жылкы жыттуу кыштагым келип мага,
жүрөгүмө сагыныч уялады…
___

Патта – мара, улакты таштоочу жай.

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

252 0 0 1 5

Кыргыз Поэзиясы

6 Apr, 08:01

"Жаңы кыргыз адабияты" аттуу чыгармалар жыйнагына жаш акын-жазуучуларды издейбиз...

Арстан экөөбүз кыргыз тилинин жана адабиятынын өнүгүүсүнө салым кошуу максатында жылда бир жолу жарык көрө турчу "Жаңы кыргыз адабияты" аттуу чыгармалар жыйнагын, биздин куруп жаткан Балаком басма үйү аркылуу чыгарып туралы деп ойлоп жатабыз.

Илгери жазуучулар алгачкы чыгармаларын белгилүү адабий гезиттерге чыгарып жүрүп аты чыгып анан китептери басылып чыкчу эле го... Акындын, жазуучунун эң алгачкы ыры, аңгемеси баланча гезитке басылып чыккан деп адабият сабагынан окучу элек...

Дал ошол жаш акын-жазуучуну эл алдына алып чыгып, окурмандарына жолуктуруп, өзүнүн жана өзү сымал башка жаш таланттардын чыгармаларын алгачкы жолу чоң томдук китепте колуна кармап, чыгармачылыгына тушоо кесилип, өркүндөп-өсүүсүнө өзгөчө шык жана дем алсын деген максат менен "Жаңы кыргыз адабияты" аттуу керемет чыгармалар жыйнагын жылда чыгарууну адатка айланткыбыз келип жатат...

Андыктан, менин ушул ырым, аңгемем, чыгармам 2024-жылынын акырында жарык көрчү "Жаңы кыргыз адабиятында" чыкса сонун болмок деген жаш акын-жазуучуларды издейбиз.

Шарттарыбыз:

Оригиналдуу, башка жерде жарык көрбөгөн чыгармаңызды 1-июнь, 2024-жылга чейин төмөндөгү электрондук дарекке жөнөтүңүз:

madamize.letter@gmail.com

Чыгарманын Word же PDF форматында, каталарын текшерип, "ө, ү, ң" кыргыз тамгаралын колдонуп, төмөндөгү маалыматтар менен кошо жибериңиз:

- толук аты-жөнүңүз
- өзүңүз тууралуу кыскача маалымат
- электрондук дарегиңиз (email)
- телефон номуруңуз

1-июнь, 2024-жылы Бишкек сааты кечки 12де кабыл алуу жабылып, 1-август, 2024-жылга чейин тандоо иштерин жүргүзөбүз.

Тандалган чыгармалардын ээлерине 1-август, 2024-жылы байланышабыз.

Эмитен баардык катышуучуларга ийгилик каалайбыз!

Терең урматыбыз менен,
Арстан & Айсулуу

360 1 2 4

Кыргыз Поэзиясы

5 Apr, 09:01

#Бурулкан_САРЫГУЛОВА

КӨЗҮ БАР МОНЧОК ТАГЫЛЫП КЕТТИ

Зарыгып ушул сыйкырдуу сөзгө,
Кайда элең ошол мен күткөн кезде?
Кеберсип эрин, жүдөдү сезим.
Кетип кал, эми, кайрадан эзбе.

Акактай таза сезимге күлдүң.
Мезгилге учкул алдатып ийдиң.
Базары кетип, баркынан тайды,
Кадырсыз эми арнаган сүйүүң.

Бирикпейт сүйүү. Тирилбейт эргүү.
Ушундай тагдыр. Каталык жеңди.
Агызып кетип баратат өмүр
Кечиккен сени, зарыккан мени.

Табы жок такыр, ыраңы өчкөн,
Өктөөсү калып, кумары кеткен,
Жүзүңө эски кулады көзүм,
Чачыңа эбак агарып кеткен...

Көзүңдө турат өкүнүч, өксүү.
Кабагың түшөт күүгүмдөй кечки.
Эсиңди жыйып келгиче минтип,
Көзү бар мончок тагылып кетти...

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

271 0 1 2

Кыргыз Поэзиясы

4 Apr, 09:02

#Илим_КУРМУШУЕВ

* * *
Сулуулукту сулуу жүздөн издеген,
Сулуулуктун эмне экенин билбеген.
Көөдөнү көр, көзү чылпак көйрөңдөр
Көр дүйнөнүн түбү болот кирдеген.

“Бийиктик” деп бийик жерге тырмышкан,
Бийлер бир күн жүзүн ачып кылмыштан.
Бийиктиктин бир тепкичин баса албай
Бийиктиктен ыргышканы ыргышкан!

Өлбөстүктү өпкөсүнөн көрүшкөн,
Өлүк дүйнө өкүмүнө көнүшкөн.
Тирүүлүктүн билбегендер маңызын
Тирүүсүндө өлүшкөнү өлүшкөн!

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

282 0 0 2 7

Кыргыз Поэзиясы

3 Apr, 09:01

#Тахмина_ЭСЕНАЛИЕВА

ТҮНДӨН ИЗДЕЙМ ТҮБӨЛҮКТҮҮ СҮЙҮҮҢДҮ

Түшүнө албайм, "көптөр" баткан дүйнөңдү,
Асман ыйлап, көз жаштарым агууда...
Түндөн издеп түбөлүктүү сүйүүнү,
Күтүү менен эчен таңым атууда.

Баш аламан сен жашаган дүйнөдө,
Ашыктарың каныңды ичип курутаар.
Чачыраган сенин ысык коюнуң,
Кимге жетмек, кимди толук жылытаар.

Койнун ачкан "көпөлөктөр" сени эңсеп,
Азгырышып, кучак жаят туш-туштан.
А мен болсо чарчап кеттим, чарчадым!
Сага ар дайым, дүйнө болуп туруштан.

Чарчадым...

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү

304 0 0 4

Кыргыз Поэзиясы

2 Apr, 09:02

#Аалы_ТОКОМБАЕВ

УНУТ ДЕДИҢ

Белек бердиң унутулгус,
Сыймык менен сыйландым.
Унут дедиң белегимди
Уу жуткандай кыйналдым.

Аккан сууга белек берсең,
Агып кетер, унутар…
Дени салкын, жүрөгү муз,
Ал мен эмес уу жутар.

Көрдүң бекен толкундарды
Чачың менен чапкылап?..
Жансыз сууга тамга түшпөйт
Кордосоң да аткылап.

Ак жүзүңдү жуугандырсың
Түркүн тунук сууларга.
Бири дагы эсиңде жок,
Же калдыбы сууларда?

Мен суу эмес, сызган тамга,
Дайым калам кетилбей.
Белегимди унут десең–
Жүрөк ыйлайт жетимдей.

Неге бердиң белегиңди
Жүрөгүмө сүйдүрүп.
Таңкы түштөй бир көрүнүп
Кетмек белең күйдүрүп.

Унут дедиң белегимди,
Унутпаймын ар качан.
Унутпа деп айткызармын,
Чым жамынып калбасам!

____________________

👉 Башка канал: "КЫСКА-НУСКА"

🖌️ Авторлор

🙏 Каналга колдоо көрсөтүү