#Гүлзира_АБДИМАМАТ

*  *  *
…Булуттар буулукканда ыйласаңар –
Силерге шылтоо күздүн түнөрүшү,
А мага желге ыргалган жалбырактай,
Үмүттүн үзүлө албай дирилдеши…

Булуттар түгөнбөстөй төгүлсөңөр –
Бирөөнүн айтылбаган сөзүн эстеп,
Топтолгон таарынычым көздөрүмдө
Куланып кетпеш үчүн тегеренет…

Өзүмдөн качып дагы кетким келет,
Өзүмдү алсыз, күчсүз сезген кезде!
…Жылмайган жарашаарын мага неге,
Жашымды көрбөгөндөр айта берет?


____________________

👉 "КЫСКА-НУСКА"

🖌️ Авторлор

📣 #сынактар

🙏 Колдоо көрсөтүү