Селжук мамлекетинин улуу уазири, мамлекеттик башкаруу боюнча даанышман ойчул Низам ал-Мулк (1018–1092) Саясатнаама аттуу эмгегинде мамлекетти башкаруунун негизги принциптерин жазып кеткен.

Ал мамлекетти адилеттүүлүк менен башкарылган тартиптүү түзүлүш катары түшүнгөн. Анын ою боюнча:

Мамлекеттин негизи – адилеттүүлүк жана мыйзамдуулук. Эгер башкаруучу зулумдук кылса, мамлекет ыдырайт

Султан күчтүү болушу керек, бирок ал акылдуу кеңешчилерге таянууга тийиш

Илим жана билим мамлекеттин күчүн арттырат. Ал Низамийа медреселерин негиздеп, мамлекеттик башкаруучуларды окутууну уюштурган

Салык системасы адилеттүү болушу шарт. Калкка оор салык жүктөө мамлекетти алсыратат.

Анын башкаруусу Улуу Селжук мамлекетинин гүлдөп-өсүшүнө өбөлгө түзгөнү үчүн, даңазалуу Алп Арслан султан ага Низам ал-Мулк – мамлекеттин тартиби/мыйзамы деген наамды ыйгарган.