-Сен эртең,эртең менен саат ондо мага кел.-Адресин тактап айтып,-Дүйшөмбү күнү даттанчууларды кабыл алуучу күнүм,-деп кошумчалады Сады
Толкунбек дагы таң калды."Сиз начальник эмесмин дебединиз беле?",-деп суроого эчен-эчен оозун камдап баратып батына албады.Бара көрөмүн,- деп ойлоду.
Толкунбек эртеси түз эле,Сады өзү адресин айтып,чакырган кабинетке барды.Ал эшиктин тышындагы жазуудан тигил кишинин начальник эмес эле,СССР Жогорку Советтинин депутаты,Социалисттик Эмгектин Баатыры экенин билип,мурдагыдан да абдаарып,сүрдөй түштү.Бул кишиге кирүүчүлөр күн мурун жазылып коюшканын Толкунбек билген да жок.Сады Казиевич тышттан киргенде олтургандар ордуларынан козголо берип,салам айтып учурашты.Ал олтургандарды сыдыра тиктеп келип,кареги Толкунбекке урунду.
-А,келдиңби? ,-Сады олтургандарга карап минтти,-Кечиресиздер, бул баланы жөнөтүп жиберейин каршы эмессиздерби?
-Мейли,мейли!
Кабинетке кирип,олтураар олтурбастан эле Толкунбекке кайрылды.
-Арыз жаза келген жоксуңбу?
-Жок,жазган жокмун
-Анда азыр сыртка чыгып,шашпай олтуруп,менин наамыма арыз жаз.Ары жактагы эшикке кирсең,ручка, кагаз,стоо,стул- баары бар,-Сады кандай жазуунун шартын айтып,жолун түшүндүрүп берди.
Мунун баарын Толкунбек өзү кыз менен чечилип,сүйлөшүп отурганда айткан.Жайнагүл ушуларды ойлоду.Андан кийин эмне болду?

Уландысы бар...